Maharashtra: आज 11 वाजता सामुहिक राष्ट्रगीतामध्ये सहभागी व्हा, सरकारचे जनतेला आवाहन

Maharashtra Government: महाराष्ट्र सरकारने बुधवारी सकाळी 11 वाजता सामुहिक राष्ट्रगीतामध्ये सहभागी होण्याचे आवाहन केले आहे. देशाच्या स्वातंत्र्याला 75 वर्षे पूर्ण झाल्यानिमित्त बुधवारी सकाळी 11 वाजता राष्ट्रगीताच्या सामूहिक गायनात सहभागी व्हावे, असे आवाहन महाराष्ट्र सरकारने केले आहे. हे गायन सकाळी 11 वाजता सुरू होऊन 11 वाजून 1 मिनिटांनी संपणार आहे. सरकारने हे सर्व विभाग, विद्यापीठे आणि महाविद्यालयांसाठी अनिवार्य केले आहे. राष्ट्रगीतासाठी विद्यार्थ्यांना मोकळ्या मैदानात एकत्र येण्यास सांगण्यात आले आहे. (Today people will sing national anthem together in Maharashtra)

राज्य सरकारने काय आदेश दिले आहेत

महाराष्ट्रातील भाजप-शिवसेना सरकारने गेल्या आठवड्यात याबाबत आदेश जारी केला होता. त्यात राज्य सरकारचे सर्व विभाग, विद्यापीठे आणि महाविद्यालयातील सर्वांनी सहभागी होणे बंधनकारक असल्याचे या आदेशात म्हटले आहे. 'त्याचबरोबर सर्व नागरिकांनीही या गायनात सहभागी होणे अपेक्षित आहे. खासगी आस्थापने, व्यापारी आणि इतर सरकारी विभागांनी केंद्र सरकारच्या अधिपत्याखालील सरकारी विभागांनीही सहभाग घेणे अपेक्षित आहे. विद्यार्थ्यांनी राष्ट्रगीत गाण्यासाठी मोकळ्या मैदानात एकत्र येणे अपेक्षित आहे. हा केंद्र सरकारच्या 'स्वराज महोत्सवा'चा एक भाग असल्याचे आदेशात म्हटले आहे.

भारताच्या स्वातंत्र्याचा अमृत उत्सव

स्वातंत्र्याच्या 75 व्या वर्धापन दिनानिमित्त देशात अमृत महोत्सव साजरा केला जात आहे. या अंतर्गत सरकार विविध प्रकारचे कार्यक्रम आयोजित करत आहेत. पंतप्रधान नरेंद्र मोदी यांच्या आवाहनानुसार 15 ऑगस्टपर्यंत देशात घरोघरी तिरंगा फडकवण्याची मोहीम राबविण्यात आली आहे. यामध्ये लोकांनी घरोघरी तिरंगा फडकावला. याशिवाय केंद्र आणि राज्य सरकारकडून अनेक कार्यक्रम केले जात आहेत.