न्यायमूर्ती Dipankar Datta यांची सर्वोच्च न्यायालयाचे न्यायाधीश म्हणून शिफारस

सर्वोच्च न्यायालयाच्या कॉलेजियमने मुंबई उच्च न्यायालयाचे मुख्य न्यायाधीश न्यायमूर्ती दिपांकर दत्ता (Dipankar Datta) यांची सर्वोच्च न्यायालयाचे न्यायाधीश म्हणून नियुक्ती करण्याची शिफारस केली आहे.

सर्वोच्च न्यायालयाच्या वेबसाइटवर अपलोड केलेल्या निवेदनानुसार, सोमवारी (26 सप्टेंबर) सरन्यायाधीश उदय उमेश ललित यांच्या अध्यक्षतेखाली कॉलेजियमची बैठक पार पडली आहे. "सुप्रीम कोर्ट कॉलेजियमने 26 सप्टेंबर 2022 रोजी झालेल्या बैठकीत मुंबई उच्च न्यायालयाचे मुख्य न्यायाधीश न्यायमूर्ती दीपंकर दत्ता यांना सर्वोच्च न्यायालयाचे न्यायाधीश म्हणून बढती देण्याची शिफारस केली आहे," असे निवेदनात म्हटले आहे.

न्यायमूर्ती दत्ता यांची 22 जून 2006 रोजी कोलकाता उच्च न्यायालयात कायमस्वरूपी न्यायाधीश म्हणून नियुक्ती करण्यात आली होती. 28 एप्रिल 2020 रोजी त्यांची मुंबई उच्च न्यायालयाचे मुख्य न्यायाधीश म्हणून नियुक्ती करण्यात आली.