गोव्यात दिगंबर कामतांना मी काय समजावायचं? -संजय राऊत

आगामी काळात गोव्यात होणाऱ्या विधानसभा निवडणुकांच्या (Goa Assembly Elections 2022) पार्श्वभूमिवर शिवसेना नेते संजय राऊत (Sanjay Raut) यांनी आज सकाळी माध्यमांशी संवाद साधला. पंतप्रधान मोदी (PM Modi) भारत पाकिस्तानवर रोज चर्चा करतात मात्र भारत चीनवर बोलत नाहीत, असे राउत यावेळी म्हणाले. भाजपच्या (BJP) नेत्यांना डोळे तपासण्याची आवश्यकता आहे असा टोला त्यांनी भाजपच्या महाराष्ट्रातील नेत्यांच्या टीकेला उत्तर देताना लगावला आहे. यावेळी ते गोव्यातील महाविकास आघाडी बद्दलही बोलले.

यावेळी गोव्यात शिवसेना (Shivsena) आणि राष्ट्रवादी (NCP) एकत्र लढणार असल्याची माहिती दिली. त्याबरोबर प्रफूल पटेल सोबत बोलण झालं आहे आणि आम्ही 18 तारखेला गोवा दौऱ्यावर जाणार आहोत त्याबरोबर तेथिल स्थानिक कॉंग्रेस नेत्यांशी आणि तृणमूलच्या (TMC) काही नेत्यांशी संवाद साधणार असल्याचे राउत यांनी यावेळी सांगितले. तसंच आगामी काळातील विधानसभा निवडणुकांमध्ये शिवसेना उत्तर प्रदेशमधून 50 जागांवर निवडणूक लढवणार असल्याचंही त्यांनी सांगितलं.

गोव्यातील जेष्ठ कॉंग्रसेनेते दिगंबर कामत (Digambar kamat) यांच्या बद्दल विचारले असता, ते गोव्यातील जेष्ठ नेते आहेत त्यांनी बरेच वर्ष राजकारण केले त्यांच्याशी मी काय बोलायचं असे मत त्यांना या प्रश्नाचे उत्तर देतांना व्यक्त केले.