राणा दाम्पत्याला जेल की बेल फैसला सोमवारी

मुंबई : महाराष्ट्रात काही दिवसांत हनुमान चालिसा म्हणण्यासाठीे आपण मातोश्रीवर जाणार असं भाष्य राणा दाम्पत्याने केल्याने कायदा व व्यवस्थेचा प्रश्न निर्माण झाल्याचं कारण देत पोलीसांनी त्यांनी ताब्यात घेतले होते. यावर आज सुनावणी पार पडली. यावर राणा दाम्पत्याचा निकाल न्यायालयाने सोमवारपर्यंत निकाल राखून ठेवला आहे. त्यामुळे राणा दाम्पत्याला जेल होणार की बेल याचा फैसला सोमवारी होणार आहे. (The Rana couple's verdict will be announced on Monday )

न्यायालयाने राणा दाम्पत्याला 14 दिवसांची पोलीस कोठडी सुनावली होती. या पार्श्वभूमीवर आज आज सुनावणी पार पडली आहे. यावेळी राज्य सरकारने राणा दाम्पत्याच्या जामिनाला कडाडून विरोध केला आहे. राणा दाम्पत्य तुरुंगातून बाहेर आल्यास पुन्हा तणाव निर्माण करण्याचा प्रयत्न करू शकतात. असा दावा पोलिसांकडून करण्यात आलाय. दुसरीकडे नवनीत राणा यांची तब्येत बरी नसल्यानं त्यांना जे जे रुग्णालयात नेण्यात यावं अशी मागणी त्यांच्या वकिलांनी केलीय. राणा यांना नीट अन्न आणि उपचार मिळत नसल्याचा दावा वकिलांनी केलाय.

सध्या राणा दाम्पत्य कारागृहात असून खासदार नवनीत राणा भायखळा कारागृहात आहेत, तर आमदार रवी राणा तळोजा कारागृहात आहेत. खरंतर राणा दाम्पत्याच्या माध्यमातून भाजप महाविकास आघाडीवर आपला निशाणा साधत असल्याचं शिवसेनेने म्हटलय. तर भाजपने महाविकास आघाडी विरोधकांचा आवाज दाबत आहे. अशा आशयाचं वक्तव्य भाजप नेते करताना दिसत आहेत. आणि या साऱ्या आरोप - प्रत्यारोपाच्या फेऱ्यांमध्ये सामान्य माणसाचे प्रश्न हे मागे पडले आहेत. हे मात्र निश्चित.