राज ठाकरेंच्या ताफ्यातील गाड्यांचा अपघात, दिग्गज मराठी कलाकार थोडक्यात बचावले

मनसे अध्यक्ष राज ठाकरे यांच्या ताफ्यातील सात ते आठ गाड्यांचा अपघात झाल्याची माहिती समोर आली आहे. विशेष म्हणजे अपघात झालेल्या गाड्यांमध्ये दिग्दर्शक केदार शिंदे आणि अभिनेता अंकुश चौधरी यांच्या गाडीचादेखील समावेश असल्याची माहिती समोर आली आहे. हा अपघात अहमदनगर जिल्ह्यातील घोडेगावजवळ झाला असून या अपघातातील जखमींची माहिती अद्याप मिळालेली नाही. या अपघातात ताफ्यातील तीन गाड्या एकमेकांना मागून धडकल्या असून त्यामध्ये मराठी चित्रपटसृष्टीतील दिग्दर्शक केदार शिंदे आणि कलाकार अंकुश चौधरी यांच्या गाड्याचं नुकसान झालं आहे. (raj thackeray convoy accident near aurangabad seven to eight cars damaged)

राज ठाकरे यांच्या ताफ्यातील सात ते आठ गाड्या एकमेकांवर आदळल्या. त्यामुळे गाड्यांचे मोठे नुकसान झाले आहे. यामध्ये केदार शिंदे आणि अंकुश चौधरी यांच्या मर्सिडीज गाडीचेही नुकसान झाले आहे. सुदैवाने अकुंश चौधरी आणि केदार शिंदे या अपघातातून बचावले आहेत. दोन्ही दिग्गज कलाकार हे सुखरुप आहेत.

राज ठाकरे यांची महाराष्ट्रदिनी औरंगाबादेत सभा पार पडणार आहे. त्याआधी शुक्रवारी ते मुंबईहून पुण्याकडे रवाना झाले. आज सकाळी पुण्यातल्या मनसे पदाधिकाऱ्यांच्या भेटीगाठी घेऊन ते औरंगाबादकडे रवाना झाले. तत्पूर्वी वाटतेच त्यांनी वढू तुळापूरला जाऊन संभाजीराजेंच्या समाधी स्थळावर माथा टेकवला. त्यांच्या थोर कार्याचं स्मरण केलं. संभाजीराजेंच्या विचारांचा जयघोष केला.