पुण्यातील उरुळी कांचन (ता. हवेली) येथील एका वरिष्ठ पोलीस अधिकाऱ्याच्या २१ वर्षीय मुलाचा चार ते पाच जणांनी खून केल्याचा धक्कादायक प्रकार समोर आला आहे. मंगळवारी (ता. २४) संध्याकाळी साडेदहा ते पाऊणे अकरा वाजण्याच्या सुमारासहडपसर येथील ग्लायडिंग सेंटर येथे हा प्रकार उघडकीस आला आहे. गिरीधर उत्रेश्वर गायकवाड (वय २१, रा. गोपाळपट्टी, पार्क साई टॉवर मांजरी ता. हवेली, मूळ गाव उरळी कांचन) असे खून झालेल्या तरुणाचे नाव आहे.
हा खून एका तरुणीसह पाच जणांनी केल्याचे समोर आले आहे. याप्रकरणी मृताचा भाऊ निखिलकुमार उत्रेश्वर गायकवाड यांनी हडपसर पोलिसात तक्रार दिली आहे. मृत गिरीधर याचे वडील उत्रेश्वर गायकवाड हे अमरावती मध्यवर्ती कारागृहात जेलर म्हणुन काम पाहतात.(police officer son murdered in hadapsar pune)
नेमकी घटना काय घडली?
गिरीधर हा मंगळवारी रात्री १० वाजण्याच्या सुमारास घरी बसला होता. त्यावेळी एका मुलीचा त्याला फोन आला होता. दरम्यान फोनवर बोलल्यानंतर तो घराबाहेर पडत असताना भाऊ निखीलकुमार याने कुठे चालला असे विचारले. यावर गिरीधर याने आपली मैत्रीण साक्षी पांचाळ हिचा फोन आलाय व मी तिला अर्ध्या तासात भेटून येतो.यावर गिरीधर घराबाहेर पडला. पुढे अर्धा तास होऊनही गिरीधर घरी परत न आल्याने, त्याची आई व भाऊ काळजीत होते. याबाबत त्यांनी वडील उत्रेश्वर गायकवाड यांना फोनवरून विचारणा केली असता त्यांनी त्याचा खून झाल्याची माहिती दिली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
