केंद्रीय मंत्री नारायण राणेे यांना पोलिसांंनी बजावली नोटीस

महाराष्ट्रातील राजकीय वातावरण मागील काही दिवसांपासून राणे कुटुंबीयांच्या भोवती फिरत आहे. यातच आता केंद्रीय मंत्री नारायण राणे यांना पोलिस स्थानकांमध्ये उपस्थित राहण्यासाठी कणकवली पोलिसांकडून नोटीस बजावण्यात आली आहे. नितेश राणे यांचा ठावठिकाणा माहिती असल्याच्या वक्तव्यावरुन नारायण राणे यांना पोलिस ठाण्यात उपस्थित राहण्यासाठी नोटीस बजावण्यात आली आहे.

दरम्यान, नितेश राणे यांच्या अटपूर्व जामीनावर सुनावणी सुरु असताना नारायण राणे यांना नोटीस बजावणे हे धक्कादायक असल्याचे सांगण्यात येत आहे. मात्र नारायण राणे पोलिस ठाण्यात हजर राहणार नसल्याचे सूत्रांकडून सांगण्यात येत आहे. नितेश राणे गोव्याचे दिशेने गेले असल्याचेही सांगण्यात येत आहे. मला नितेश राणेचा ठाव ठिकाणा माहित असला तरी मी तुम्हाला का सांगू, असं नारायण राणे यांनी म्हटले होते.