PM Modi in Pune: PM मोदींच्या सभेत अजित पवारांचा राज्यपालांना टोला

पंतप्रधान नरेंद्र मोदी (PM Modi) आज महाराष्ट्रातील पुण्याला भेट दिली आणि त्यांनी पुणे मेट्रो रेल्वे प्रकल्पाचे उद्घाटन केले यासोबतच पुणे महानगरपालिकेच्या आवारातील छत्रपती शिवाजी महाराजांच्या पुतळ्याचेही पंतप्रधान मोदींच्या हस्ते अनावरण केले आहे. अनेक विकास प्रकल्पांची पायाभरणीही त्यांनी केली आहे. पंतप्रधान मोदींच्या (PM Narendra Modi) एमआयटी (MIT) येथील कार्यक्रमासाठी उपस्थित सभेत अजित पवार आणि देवेंद्र फडणवीस शेजारी शेजारी बसले होते त्यावेली या दोन विरोधी पक्ष नेत्यांमध्ये बराच वेळ गप्पा रंगल्याचे दिसून आले.पुणे

यावेळी महाराष्ट्रचे उपमुख्यमंत्री अजित पवार (Ajit Pawar) यांनी राज्याच्या तमाम जनतेच्यावतीने पंतप्रधान मोदींचे स्वागत केले. अजित पवार म्हणाले, 'पुणेकरांच्या सहनशीलतेला दाद दिली पाहिजे. ठराव झाल्यानंतर बारा वर्षानंतर मेट्रो सुरु झाली. पुणेकरांना मेट्रोच्या कामामुळे खूप त्रास सहन करावा लागला म्हणून पुणेकरांच्या सहनशीलतेला सलाम तसेच आणखी काही काळाकरिता तो सहन करावा लागेल. 2006 ला भूमिपूजन आणि 2014 मध्ये मनमोहन सिंगाच्या हस्ते मुंबई मेट्रोचं उद्घाटन झाले होते. यावेळी रखडलेल्या पुणे मेट्रो कामावरुन अजित दादांनी भाजप नेत्यांना आणि अप्रत्यक्षपणे मोदींनाही टोला लगावला आहे.

पुणे मेट्रोच्या या उद्घाटनावर काल राष्ट्रवादी काँग्रेसचे प्रमुख शरद पवार यांनी टीका केली होती. पुणे मेट्रोच्या पहिल्या टप्प्यातील पाच किलोमीटरच्या मार्गाचं उद्घाटन मोदींच्या (Narendra Modi)हस्ते झाले आहेत. मोदींच्या स्वागतासाठी भाजपने शहर परिसरात फलक लावले आहेत. तर मोदींना विरोध करण्यासाठी राष्ट्रवादी कॉग्रेसने (NCP) उपहासात्मक फलक लावून मोदींच्या पुणे दैाऱ्याची खिल्ली उडवली आहे.