पाठलाग! मग किराणा दुकानदाराच्या बाबतीत घडलं तरी काय?

तीन दिवस व्यापाऱ्यांची जाण्यायेण्याच्या मार्गापासून तर त्यांच्या दुकाना पर्यंत तपास केला आणि चौथ्या दिवशी दुकानदाराची लूट केली.
Nagpur
NagpurDainik Gomantak

तीन दिवस व्यापाऱ्यांची (Merchant) जाण्यायेण्याच्या मार्गापासून तर त्यांच्या दुकाना पर्यंत तपास केला आणि चौथ्या दिवशी दुकानदाराची लूट केली. नागपूरच्या (Nagpur) पाचपावली पोलीस स्टेशनच्या हद्दीत रात्रीच्या अंधाराचा आरोपीने याचा फायदा घेतला. या प्रकरणात तीन आरोपी असल्याची माहिती समोर आली आहे. एका आरोपीला अटक करण्यात आली असून त्यातील दोन फरार आहेत. नागपूरच्या पाचपावली पोलीस स्टेशन हद्दीत गणेश ट्रेडर्स नावच मोठं किराणा दुकान आहे, तिथे तीन आरोपी काही तर खरेदी करण्याच्या बहाण्याने दुकानात जायचे. दुकानदाराची दिनचर्या काय आहे, याची माहिती त्यांनी काढली होती. दुकानदाराचा गल्ला किती, तो कोणत्या मार्गाने रात्री घरी जातो याबाबतची सर्व माहिती तीन आरोपींनी घेतली. तीन दिवस पाठलाग केला आणि चौथ्या दिवशी प्लान आखला. (Planned and robbed the grocery shopkeeper)

Nagpur
शस्त्रक्रियेनंतर मुख्यमंत्री अधिवेशनात दाखल तर 5 मिनिटं बोलून राज्यपालांनी सोडलं सभागृह

दुकानदाराने (shopkeeper) दिवसभराचा विक्रीचा पैसा एकत्र केला आणि दुचाकीच्या डिक्कीत ठेऊन तो घरी जायला निघाला. मात्र त्याच्या मागावर असलेल्या आरोपीने त्याला पाचपावली पुलाच्या खाली अडवले. चाकूचा धाक दाखवत त्याची दुचाकी घेऊन तिथून पळ काढला. पोलिसांनी तपास सुरू करत एका आरोपीला अटकही केली. मात्र दोन आरोपी अजूनही फरार आहेत तर तिन्ही आरोपी कुख्यात आहेत. त्यांच्यावर अनेक गुन्हे दाखल आहेत, अशी माहिती पाचपावलीचे पोलीस निरीक्षक संजय मेंढे यांनी दिली आहे.

या घटनेमुळे मात्र परिसरात चांगलीच दहशत पसरली आहे, तर पाचपावली परिसरातील व्यापारी सुद्धा धास्तावले आहेत. नागपूर शहरात खुनाच्या घटना कमी झाल्या असल्या तरी चोरीच्या घटनांमध्ये वाढ होताना दिसत आहे. अशा या चोरट्यांवर वचक बसविण्यासाठी पोलीस काय उपाययोजना करतात, हे पाहावं लागणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com