शिर्डीतील दर्शन व्यवस्थेत कोणताही बदल नाही..

जिल्ह्यातील कोरोना रुग्ण संख्या जरी कमी होत असली तरी राहाता तालुक्यातील रुग्ण संख्या वाढत आहे. शिर्डी येथील साईबाबा मंदिर राहाता तालुक्यात येत असल्याने जिल्हा आपत्ती व्यवस्थापन प्राधिकरणाने या ठिकाणी दर्शन व्यवस्थित केलेले बदल तूर्तास कायम ठेवण्यात येत आहे. अशी माहिती जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष डॉ राजेंद्र भोसले यांनी दिली आहे.

कोरोनाच्या वाढत्या प्रादुर्भावामुळे शिर्डी साईबाबा मंदिरात दर्शन ऑनलाइन करण्यात आले आहे. प्रसादलही बंद ठेवण्यात आले होते कोरोना रुग्णसंख्याचा आढावा घेऊन यात वेळोवेळी बदल करण्यात येणार होता मात्र राहता तालुक्यातील वाढती रुग्ण संख्या पाहता भाविकांसाठी तूर्तास दर्शन व्यवस्था ऑनलाईनच राहील तसेच सर्वसामान्य भाविकांसाठी प्रसादालय बंद ठेवण्याचा निर्णय जिल्हा आपत्ती व्यवस्थापन प्राधिकरणाने कायम ठेवला आहे.