"राणे जिथे गेले तिथली सत्ता गेली, आता मोदींना शुभेच्छा"

मोदी सरकारच्या केंद्रीय मंत्रीमंडळाचा आज विस्तार होत असुन, यामध्ये अनेक नव्या चेहऱ्यांना संधी दिली आहे. विशेष म्हणजे या मंत्रीमंडळ विस्तारात महाराष्ट्राच्या 4 नेत्यांना स्थान मिळणार आहे. यामध्ये नारायण राणे, कपील पाटील, भारती पवार, भागवत कराड या नेत्यांचा समावेश असणार आहे. तर आजच्या या मंत्री मंडळ विस्तारात एकुण 43 मंत्री शपथ घेणार आहेत. मात्र यावेळी चर्चा सुरू आहे ती नारायण राणे यांच्या नावाची. (Narayan Rane has been sworn in as a Union Minister today)

“राणे युतीचे मुख्यमंत्री झाले...युतीची सत्ता गेली...राणे कॉंग्रेसमध्ये गेले..कॉंग्रेसची सत्ता गेली..राणे भाजपमध्ये गेले...महाराष्ट्रात भाजपची सत्ता गेली...राणे आज केंद्रीय मंत्री झाले..मोदींना शुभेच्छा...” अशा आशयाचे अनेक गमतीदार मेसेज सध्या सोशल मिडीयावर व्हायरल होताना दिसत आहेत. त्यामुळे आता येणाऱ्या काळात 2024 लोकसभा निवडणुकांमध्ये भारतीय जनता पक्षाला नेमका याचा फायदा होणार की तोटा हे आता येणाऱ्या काळात पहावे लागेल.

दरम्यान, नारायण राणे यांचा नगरसेवक पदापासुन सुरू झालेला प्रवास आता त्यांना दिल्लीपर्यंत घेऊन गेला आहे. बाळासाहेब ठाकरेंच्या काळात ते मुख्यमंत्री झाले होते. तर आज त्यांना पहील्यांदा केंद्रीय मंत्री मंडळात स्थान मिळाले आहे.