सातारा जिल्ह्यातील मान खटाव मतदारसंघाचे आमदार जयकुमार गोरे यांच्या गाडीला भीषण अपघात झाला आहे. या अपघातात आमदार गोरे गंभीर जखमी झाल्याची माहिती मिळत आहे. फलटण येथील बानगंगा नदीच्या पुलावरुन गोरे यांची गाडी सुमारे 50 फूट खोल दरीत कोसळली. नदीच्या पुलाला लावलेल्या तारा तोडून गाडी दरीत कोसळली.
(Man-Khatav, Satara BJP MLA Jaykumar Gore Accident)
मिळालेल्या माहितीनुसार, आमदार जयकुमार गोरे मुंबईहून आपल्या घरी जात असताना बानगंगा नदीवर त्यांचा अपघात झाला. गोरे यांची गाडी 50 फूट दरीत कोसळली. नदीच्या पुलाचा कठडा तोडून गाडी खाली कोसळली. जयकुमार गोरे यांच्यासोबत गाडीत त्यांचे कॉन्सटेबल, पीए आणि काही कार्यकर्ते गाडीत होते. या तिघांनाही गंभीर दुखापत झाली आहे.
आमदार जयकुमार गोरे यांच्या गाडीला फलटण येथे अपघात झाला असून ते सुखरूप बचावले आहेत. त्यांची प्रकृती एकदम चांगली आहे. गाडीतील इतर लोकांना किरकोळ दुखापत झाली आहे. सर्वांची प्रकृती बरी आहे. सध्या पुण्यातील रूबी हॉल येथे त्यांच्यावर उपचार सुरू आहेत. खासदार रणजितसिंह नाईक निंबाळकर व कुटुंबीय त्यांच्यासोबत आहेत. असे निवेदन आमदार जयकुमार गोरे यांच्या कार्यालयाच्या वतीने जारी करण्यात आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.