राज्यातील कोविड (COVID-19) प्रतिबंधक लसीकरणाला (Vaccination) गती देण्यासाठी 8 ते 14 ऑक्टोबरदरम्यान मिशन कवच कुंडल (Mission Kavach Kundal) राबविण्यात येणार आहे.अशी माहिती राज्याचे आरोग्य मंत्री राजेश टोपे (Rajesh Tope) यांनी दिली आहे त्याचबरोबर या अभियानात राज्यात दररोज 15 लाखाहून अधिक लसीकरण करण्याचे उद्दिष्ट असल्याचे देखील आरोग्य मंत्र्यांनी सांगितले आहे. (Maharashtra government new scheme Mission Kavach Kundal for vaccination drive)
राज्यात अभियानासाठी पुरेशी लस उपलब्ध असून सध्या आपल्याकडे 75 लाख लस आहेत. त्यातच राज्याला आणखीन 25 लाख लसी मिळणार आहेत
राज्यात आतापर्यंत सहा कोटी लोकांचे लसीकरण झाले असून, सव्वातीन कोटींपेक्षा जास्त नागरिकांचे लसीकरण शिल्लक असल्याची माहिती देखील राजेश टोपे यांनी दिली आहे.
तसेच न्यायालायने दिलेल्या आदेशानुसार राज्यात कोविडमुळे मृत्यू पावलेल्या राज्यातील प्रत्येक नागरिकाच्या नातेवाईकांना 50 हजार रुपये मदत देण्याचा निर्णय घेण्यात आला आहे. महाराष्ट्रात कोरोनामुळे सुमारे 1 लाख 40 हजार नागरिक मरण पावले आहेत. यासाठी ‘एसडीआरएफ’मधून सुमारे 700 कोटी रुपयांची तरतूद केली जाईल.असे सप्ष्टीकरण देखील त्यांनी दिले आहे.
सध्या राज्याच्या लसीकरणाची स्थिती पाहता पहिला डोस घेतलेल्यांचे प्रमाण 65 टक्के आहे. लसीकरणाचा वेग वाढावा, यासाठी आम्ही प्रयत्नशील आहोत असे मत यावेळी बोलताना आरोग्यमंत्र्यांनी मांडले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
