Ajit Pawar Passed Away: महाराष्ट्रातून दुःखद बातमी! उपमुख्यमंत्री अजित पवार यांचे विमान अपघातात दुर्दैवी निधन

बारामतीतून एक धक्कादायक बातमी समोर आली आहे. महाराष्ट्र राज्याचे उपमुख्यमंत्री अजित पवार यांच्या विमानाचा बारामतीत अपघात झाल्याची बातमी सकाळी समोर आली होती. या अपघातात त्यांचा मृत्यू झाल्याचे वृत्त हाती आले आहे. या घटनेमुळे महाराष्ट्रात मोठी खळबळ उडाली आहे.

या विमान अपघातात अजित पवार यांच्यासह सहा जणांचा मृत्यू झाला. अजित पवार सकाळी मुंबईहून बारामतीसाठी एका बैठकीसाठी निघाले होते. मात्र, विमान उतरत असताना हा अपघात झाला. विमान धावपट्टीवरून घसरले आणि ते कोसळताच त्याला आग लागली. या अपघातात उपमुख्यमंत्री अजित पवार यांच्यासह सहा जणांचा मृत्यू झाला.

ही घटना सकाळी ८.४५ च्या दरम्यान घडली. या अपघातानंतर या विमानाचे जळणारे भाग, धुराची छायाचित्रे तसेच व्हिडीओ सोशल मीडियावर वेगाने पसरत आहेत. महाराष्ट्राच्या, तसेच देशाच्या राजकीय वर्तुळातून या घटनेबाबत हळहळ व्यक्त होत आहे.

उपमुख्यमंत्री आणि राष्ट्रवादी काँग्रेस पक्षाचे (एनसीपी) नेते असलेले अजित पवार हे एक अनुभवी राजकारणी, ज्येष्ठ नेते शरद पवार यांचे पुतणे आणि राजकीय क्षेत्रातील एक प्रमुख व्यक्तिमत्त्व होते. गेल्या काही वर्षांपासून ते या भागातील पायाभूत सुविधा प्रकल्प आणि सहकारी निवडणुकांसह स्थानिक आणि राज्य प्रशासनाच्या विविध कामांमध्ये सक्रिय होते.