Monsoon Update: मान्सूनची आतुरतेने वाट पाहणाऱ्यांसाठी महत्वाची अपडेट समोर आली आहे. यावर्षी मान्सून काही दिवस लांबणीवर पडण्याची शक्यता हवामान खात्याने वर्तवली आहे. केरळमध्ये यंदा चार दिवस उशीरा मान्सून दाखल होणार असल्याचे हवामान खात्याने म्हटलंय. चार जून रोजी पाऊस दाखल होईल असा अंदाज खात्याने वर्तवला आहे.
हवामान खात्याने व्यक्त केलेल्या अंदाजानुसार, महाराष्ट्रात जुलैच्या पहिल्या आठवड्यापर्यंत मान्सूनच्या पावसाला व्यवस्थित सुरुवात होऊ शकते. तसेच, जूनमध्ये मान्सूनपूर्व पाऊस येईल असा अंदाज आहे.
तर, मुंबईत यंदा 10 किंवा 11 जूनला मान्सूनचे आगमन होईल अशी शक्यता आहे. 12 जुलैनंतर मान्सूनच्या पावसाची सुरुवात होईल तर, 27 जुलैपासून मान्सूनचा पाऊस येईल अशी शक्यता आहे.
एका अंदाजानुसार, यंदा देशात मान्सून सरासरी 96 टक्के एवढी व्यक्त करण्यात आली आहे.
हवामान खात्याने व्यक्त केलेल्या अंदाजानुसार, दिल्ली-एनसीआर भागात जूनच्या अखेरीस मान्सूनपूर्व पाऊस पडू शकतो. 19 ते 24 जून दरम्यान पावसाची उच्च संभाव्यता आहे. 24 जूनपासून मान्सूनचा पाऊस अपेक्षित आहे.
दरम्यान, केरमध्ये एक जूनच्या आसपास मान्सून दाखल होतो व त्यानंतर एक आठवड्याभरात महाराष्ट्रात येतो. पण, यावर्षी अंदमानमध्ये मान्सून उशीरा दाखल होत असल्याने पुढे देखील त्याला उशीर होण्याची शक्यता व्यक्त केली जात आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.