केतकी चितळेच्या पोस्टवरुन जितेंद्र आव्हाडांची प्रतिक्रिया म्हणाले...

छोट्या पडद्यावरील अभिनेत्री केतकी चितळे यांनी राष्ट्रवादीचे सर्वेसर्वा शरद पवार यांच्याबाबत आक्षेपार्ह पोस्ट शेअर केली. या पोस्टमध्ये शरद पवार यांचे वय, शारीरिक व्याधी यावरुन आक्षेपार्ह पोस्ट केली आहे. या प्रकरणी तिच्यावर कळवा पोलिसांत गुन्हा दाखल झाला आहे. यावरुन राष्ट्रवादीचे नेते आणि राज्याचे गृहनिर्माण मंत्री जितेंद्र आव्हाड यांनी भाष्य केले आहे. ( Jitendra Awhad's reaction from Ketki Chitale's post said ... )

याबाबत बोलताना आव्हाड यांनी म्हटले आहे कि, “केतकी चितळे इतकी विकृत असेल याची कल्पनाही करवत नाही. आपल्या स्त्रीत्वाचा फायदा घेत काहीही लिहू शकतो. असे वाटत असेल तर ते चुकीचे आहे.तिने काय लिहिले आहे ते लोकांना वाचावे आणि तेच तुमच्या आजोबांबद्दल किंवा वडिलांबद्दल लिहिले तर काय वाटेल याचा विचार करा.

त्या माणसासोबत राजकीय दृष्ट्या लढा. त्याला आम्ही उत्तर देतो. तुम्ही त्यांचा चेहरा कसा झालाय यावर बोलणार असाल तर उद्या आमच्या कार्यकर्त्यांनी काही प्रतिक्रिया दिल्या तर तुम्हाला ओरडता येणार नाही,” असे जितेंद्र आव्हाड यांनी बोलताना म्हटले आहे.

माझ्यासारखा माणूस जो शरद पवारांसोबत ३५ वर्षे आहे तो हे कसे काय सहन करेल.आज महाराष्ट्रात १००-२०० पोलीस स्टेशनमध्ये कार्यकर्ते गुन्हा दाखल करण्यासाठी जाणार आहेत. शेवटी ते राष्ट्रवादीच्या कुटुंबाचे बाप आहेत. असे ही त्यांनी म्हटले आहे.