समृद्धी महामार्गाच्या उद्घाटनाचा मुहूर्त ठरला

मुंबई : नागपुर ते मुंबई दरम्यानचा प्रवास 16 तासवरुन 8 तासपर्यंत कमी करणारा समृद्धी महामार्गाचा उद्धाटनाचा मुहूर्त ठरला असुन हे उद्धाटन महाराष्ट्र राज्याचे मुख्यमंत्री उद्धव ठाकरे यांच्या हस्ते 2 मे रोजी याचं लोकार्पण होणार असल्याची माहीती समोर आली आहे. हा महामार्ग महाराष्ट्रांमधील 10 जिल्हे, 26 तालुके आणि 392 गावांना जोडणारा द्रुतगती मार्ग असणार आहे. या पैकी पहिल्या टप्प्यात वाशीम जिल्ह्यातील शेलू बाजार ते नागपूर असा 240 किमीचा मार्ग वाहतुकीकरता खुला होणार आहे. [It was the moment of inauguration of Samrudhi Highway]

26 टोलनाक्यांवरील टोलवसुलीसाठीची निविदा महाराष्ट्र राज्य रस्ते विकास महामंडळाकडून रद्द करण्यात आली होती ही निविदा रद्द केल्यानंतर गुरुवारी टोलवसुलीसाठी नव्याने निविदा मागविण्यात आली होती. त्यामुळे 2 मे रोजी होणारे नागपूर ते शेलू बाजार, वाशीम अशा 210 किमीच्या मार्गाचे उद्घाटन अडचणीत येण्याची शक्यता व्यक्त होत होती.

समृद्धी महामार्गाचे काम 2021 मध्ये पूर्ण होणे अपेक्षित होते. मात्र अनेक कारणांमुळे प्रकल्पाचे काम प्रलंबित आहे. असे असताना नागपूर ते सेलू बाजार, वाशीम या 210 किमीच्या टप्प्यातील 100 टक्के काम पूर्ण झालं आहे. निविदा सादर करण्यासाठी 25 एप्रिल अंतिम तारीख असून 2 मे पर्यंत निविदा प्रक्रिया पूर्ण करून टोल यंत्रणा कार्यान्वित करण्याची प्रक्रिया पूर्ण कऱण्याचं आव्हान सध्या आहे. समृद्धी महामार्ग सुरु झाल्यानंतर नागपूर ते मुंबई हे 700 किमी अंतर केवळ सात तासांमध्ये पार करता येणार आहे.