पुण्यातून एक मोठी बातमी समोर येत आहे. पुण्याचे मनसे जिल्हाध्यक्ष समीर थिगळे यांच्यावर गोळीबार झाला आहे. या गोळीबारात कोणतीही जीवितहानी झालेली नाही. राजगुरुनगरच्या सातकरस्थळ येथील राहत्या घरासमोर हा प्रकार घडला.
कुख्यात गुंडानी हा गोळीबार केल्याची माहिती समोर आली आहे. धक्कादायक बाब म्हणजे कुटुंबीयांसमोरच गोळीबार केल्याने परिसरात आणि कुटुंबात भीतीचं वातावरण निर्माण झालं आहे.
मिळालेल्या माहितीनुसार, गुंडानी समीर यांच्यावर पिस्तुल रोखून पैशाची मागणी केली होती. पैसे देण्यास नकार दिल्याने गुंडांनी गोळीबार केला. दरम्यान, पैशाची मागणी करणाऱ्या आरोपीवर याआधीही खुनाचा गुन्हा दाखल असून तो सध्या जामीनावर बाहेर आहे. राजगुरुनगरच्या सातकरस्थळ येथील राहत्या घरासमोर हा प्रकार घडला.
समीर यांच्यावर पिस्तुल रोखली खरी पण त्यातून गोळी सुटलीच नाही. त्यानंतर मात्र दहशत निर्माण करण्यासाठी गुंडांनी हवेत गोळीबार केला.
राजगुरुनगर पोलिसांनी याप्रकरणी मिलिंद जगदाळे आणि मयूर जगदाळे यांच्या विरोधात प्राणघातक हल्ला करत शस्त्राचा वापर करून खंडणी मागितल्याचा गुन्हा दाखल केला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.