Mumbai Goa Highway: मुंबई-गोवा महामार्गावर गँस टँकरने घेतला पेट; वाहतूक 2 तास ठप्प

Mumbai Goa Highway: मुंबई गोवा महामार्गावरील कशेडी घाटात एका गॅस टँकरने शनिवारी सायंकाळी अचानक पेट घेतला. अचानक घडलेल्या या प्रकाराने येथे सुमारे दोन तास वाहतूक ठप्प झाली होती. मुंबईहून गोव्याच्या दिशेने हा टँकर येत होता.

महाड एमआयडीसी तसेच खेड नगरपालिकेच्या अग्निशामक दलाच्या जवानांनी आठ वाजल्यापासून आग विझवण्याचा प्रयत्न सुरू केला. अपघातामुळे कशेडी घाटात दोन ते तीन किलोमीटरपर्यंत वाहनांच्या रांगा लागल्या होत्या.

दरम्यान, कशेडी बोगद्याची एक मार्गीका या महिनाअखेर खुली करण्यात येणार आहे. मुंबई-गोवा महामार्गावरील सर्वात धोकादायक म्हणून ओळखल्या जाणाऱ्या कशेडी घाट अपघातांमुळे नेहमीच चर्चेत असतो.