मुंबई-पुणे द्रुतगती महामार्गावर गॅस टँकर अपघात; तिघांचा मृत्यू

खोपोली एक्झिट जवळील उतारानजीक पुण्याहून मुंबईकडे गॅस घेऊन जात असलेल्या टँकर अपघात झाल्याने भीषन अपघात झाला असुन या अपघातात आत्तापर्यंत तीघांचा मृत्यू झाल्याची माहिती समोर आली आहे. मिळालेल्या प्राथमिक माहितीनुसार दुपारी १२ च्या सुमारास हा अपघात घडला असुन चालकाचा गाडीवरील ताबा सुटल्याने हा अपघात झाला असल्याची माहिती समोर आली आहे. (Gas tanker accident on Mumbai-Pune Expressway; Three died )

मिळालेल्या माहितीनुसार हा अपघात मुंबई-पुणे द्रुतगती महामार्गावर प्रोपोलिन गॅस टँकर जात असताना तो उलटल्याची घटना घडली आहे. यामुळे तीन जणांचा मृत्यू झाला असून या अपघातात गॅस टँकरचा चालक देखील गंभीर जखमी झाला आहे. त्याला पुणे येथे रुग्णालयात पाठवण्यात आले आहे. दरम्यान महामार्गावरच टँकर उलटल्याने दोन्ही बाजुची वाहतुक थांबविण्यात आली आहे. यावेळी टँकरला ती गाड्या धडकल्याचे ही स्पष्ट झालं आहे.

हा अपघात घडल्या - घडल्या तातडीने बोरघाट पोलीस यंत्रणा, आय आर बी पेट्रोलिंग, देवदूत यंत्रणा, लोकमान्य हॉस्पिटल, डेल्टा फोर्स, महाराष्ट्र सुरक्षा बल, अपघात ग्रस्तांच्या मदतीसाठी पुढे आले आहे. यावेळी टँकरमधील गॅसची गळती झाली नाही. तसेच सध्या टँकर उभा करण्याचा प्रयत्न सुरू आहे. खबरदारी म्हणून खोपोली अग्निशमन विभागाचे पथक घटनास्थळी पाण्याचा मारा करण्यासाठी सज्ज आहे.