मुंबई : केंद्र आणि राज्य यांच्यातील राजकीय भांडणात मला लक्ष केले जात असून ही कारवाई त्यामुळेच होत असल्याचे प्रताप सरनाईक यांनी म्हटले आहे. तसेच, भारतीय न्यायव्यवस्थेवर माझा विश्वास असून ईडीच्या नोटीसविरोधात आपण कोर्टात अपील करणार असल्याचे सरनाईक यांनी म्हटलं आहे. (ED's action will be challenged in the Supreme Court Explanation by Pratap Sarnaik)
ईडीकडून NSEL घोटाळा प्रकरणात शिवसेना नेते प्रताप सरनाईक यांच्यावर मनी लाँड्रिंग प्रतिबंध कायद्यानुसार कारवाई करण्यात आली. ईडीने त्यांची 11.35 कोटींची मालमत्ता ईडीने जप्त केली. त्यामध्ये ठाण्यातील दोन फ्लॅट जप्त केले आहेत. या कारवाईनंतर शिवसेना (Shivsena) आणि भाजप (bjp) यांच्यात सुरू असलेले आरोप-प्रत्यारोपात वाढ झाली आहे.
गेल्या आठवड्यात हिरानंदानी (Hiranandani) येथील घर आणि मिरा रोड येथील जमीन अशा दोन मालमत्ता जप्त केल्यानंतर ईडीने सरनाईक यांच्यासह त्यांच्या कुटुंबियांना नोटीस पाठवली होती. त्यानंतर यासंदर्भात कायदेशीर प्रक्रिया आपण पूर्ण करत असल्याचे सरनाईक यांनी म्हटलं आहे. तसेच आपला न्यायव्यवस्थेवर विश्वास असून या नोटीशीविरोधात न्यायालयात जाणार असल्याचे त्यांनी सांगितले आहे. तसेच न्यायालय (Court) जो निर्णय देईल, त्या निर्णयानुसार पुढील निर्णय घेऊ असेही पुढे ते म्हणाले. तसेच याच्याआधी 2020 रोजी मध्येही आपल्यावर ईडीने (ED) कारवाई केली होती. राज्यातील सत्ताधारी पक्षाच्या आमदार होणारी ती पहिली कारवाई होती. पण त्यानंतर अनेक लोकांवर कारवाई झाली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
