Diveagar Beach Tragedy: दिवेआगर समुद्रात बुडून 8 विद्यार्थ्यांचा मृत्यू; सहलीसाठी आलेल्या आळंदीतील विद्यार्थ्यांवर काळाचा घाला

श्रीवर्धन: दिवेआगर येथे सहलीसाठी आलेल्या आळंदी येथील आठ विद्यार्थ्यांचा समुद्रात बुडून मृत्यू झाल्याची हृदयद्रावक घटना आज संध्याकाळी घडली.

मृत विद्यार्थी १६ वर्षे वयोगटातील आहेत. पाण्याच्या खोलीचा आणि लाटांचा अंदाज न आल्याने ही दुर्घटना घडल्याची प्राथमिक माहिती पोलिसांनी दिली आहे. या घटनेने दिवेआगरसह आळंदी परिसरात शोककळा पसरली आहे.

आळंदी येथील ‘विनर्स ॲकॅडमी’ या खासगी शिकवणी वर्गामध्ये अकरावी-पोलिस शिक्षण घेणारे २५ मुले, १७ मुली आणि सहा शिक्षक असे एकूण ४८ जण आज दिवेआगर येथे सहलीसाठी आले होते