Board Exam: 12 वीच्या परिक्षेत प्रश्नाऐवजी उत्तरे आली छापून

Board Exam: बारावीच्या प्रश्नपत्रिकेत प्रश्नाऐवजी उत्तरे छापल्याचा अजब प्रकार आढळून आला आहे. 12 वीची बोर्डाची परिक्षा सुरु झाली असून प्रश्नपत्रिकेत मोठी चूक झाल्याचे आढळून आले आहे. प्रश्नपत्रिकेत प्रश्नाऐवजी उत्तरे छापल्याच्या प्रकाराने सगळीकडे आश्चर्य व्यक्त केले जात आहे.

10-12 वीची बोर्डाची परिक्षा अंत्यत महत्वाची मानली जाते. या परिक्षेत कोणताही अनुचित प्रकार आढळू नये यासाठी सर्व स्तरावर कडक नियम लागू केले आहेत. विद्यार्थ्यांनी कोणताही गैरप्रकार करु नये यासाठी शासन नेहमीच वेगवेगळ्या कारवाया करताना दिसते.

आज झालेल्या इंग्रजी पेपरमध्ये ही चूक झाल्याचे आढळून आले आहे. या प्रश्नपत्रिकेत प्रश्न क्रमांक A3, A4, आणि A5 या क्रंमाकांचे प्रश्न न विचारता थेट उत्तरेच देण्याचे काम इंग्रजी विषयाच्या प्रश्नपत्रिकेत झालेले आहे.

आता 12 वीच्या प्रश्नपत्रिकेतच प्रश्नांऐवजी उत्तरे छापून आल्याने यंत्रणेच्या कामकाजावर प्रश्न निर्माण केले जात आहेत. याबरोबरच, बोर्डाचा झालेला हालगर्जीपणादेखील दिसून येत आहे.