Goa Today's News Live: फोंड्यात थंड पेयाच्या सीलबंद बाटलीत आढळली मिरची पूड

थंड पेयाच्या सीलबंद बाटलीत मिरची पूड आढळून आली, बाटलीत मिरची पूडची पाकिट सापडल्याने खळबळ निर्माण झाली. फोंड्यातील या घटनेवरुन स्थानिकांनी चिंता व्यक्त केली आहे.

रासई-लोटली येथे विजय मरीन शिपयार्डमध्ये जहाज बांधणीचे काम सुरू असताना अचानक आग लागून मोठा स्फोट झाल्याने दोघांचा होरपळून दुर्दैवी मृत्यू झाला, तर अन्य चार कामगार जखमी झाले. याप्रकरणी मायणा कुडतरी पोलिसांनी सुरक्षा अधिकाऱ्याला अटक केली आहे. या दुर्घटनेमुळे या परिसरात भीतीचे वातावरण पसरले आहे.

बांबोळीत हिट अँड रन प्रकरणात १४ वर्षीय मुलगा जखमी झाला असून, याप्रकरणी कार चालकाविरोधात गुन्हा नोंद करण्यात आला आहे.