Goa Todays Live News: नव्या डीजीपींचे गोव्यात आगमन!

नवे डीजीपी अलोक कुमार गोव्यात दाखल झाले. मुख्य सचिव पुनीत गोयल, दक्षिण गोवा एसपी सुनिता सावंतांनी दाबोळी विमानतळावर त्यांचे स्वागत केले.

डिचोलीत सकाळपासून सर्वत्र मुसळधार पाऊस पडत आहे. नद्या तुडुंब होऊन वाहत आहेत. सकल भागात जलमय स्थिती निर्माण झाली आहे. आपत्कालीन व्यवस्थापन यंत्रणेला सतर्क करण्यात आले आहे.

पिळगाव-सारमानसमार्गे होणारी बेकायदा खनिज वाहतूक बंद करण्याची मागणी पिळगाव ग्रामसभेत ग्रामस्थांनी केली. अन्य विषयांवरही चर्चा झाली.

माटोजे मेढे येथे रस्त्यावर झाड पडल्याने शिगाव ते सावर्डे रस्ता वाहतूकीस बंद करण्यात आला आहे. विज खांब्यावरील केबल तुटल्याने विजही गुल्ल. अग्निशामक दलाला पाचारण करण्यात आले आहे.

साखळीत येणार पहिले फिजिओथेरपी, नेचरोपेथी व योगीक सायन्स हॉस्पिटल. मुख्यमंत्री डॉ. प्रमोद सावंत यांनी साखळीत गोवा कॉलेज ऑफ फिजिओथेरपी, नेचरोपेथी व योगीक सायन्सची ओपीडीच्या उदघाटनप्रसंगी घोषणा केली.

फोंडा पालिकेच्या जागेत बेकायदेशीर सेल सुरु आहे. पालिकेने सांगूनही सेल बंद नाही. शेवटी सेल सुरु असलेल्या प्रवेशद्वारसमोर पालिकेने कचरा एकत्र करणारे ट्रक उभे केले.