Goa News Live Update: ईडीसी जमीन घोटाळ्याबाबत उत्तर गोवा सत्र न्यायालयाचे निर्देश उच्च न्यायालयाने केले रद्द

पाट्टो येथील ईडीसी येथील ३०० कोटी रुपयांच्या कथित जमीन घोटाळ्याप्रकरणी एसीबी आणि सीबीआयला एफआयआर नोंदवण्याचे निर्देश देणारा उत्तर गोवा सत्र न्यायालयाचा आदेश गोवा येथील मुंबई उच्च न्यायालयाने रद्द केला आहे आणि तो रद्द केला आहे. प्राथमिक चौकशी व्हायला हवी होती असे महत्त्वाचे निरीक्षण नोंदवून न्यायालयाने हे प्रकरण पुन्हा विचारार्थ पाठवले आहे. २२ ऑगस्ट २०२५ रोजीचा हा निर्णय सार्वजनिक जमीन वाटपाच्या सध्या सुरू असलेल्या कायदेशीर लढाईत एक महत्त्वपूर्ण घडामोडी दर्शवितो.

अमावास्या असल्याने २२ आणि २३ ऑगस्ट रोजी खातेवाटप न करण्याची विनंती नवनिर्वाचित मंत्र्यांनी केली. आता दांबाच्या दिवशी म्हणजेच सोमवारी खातेवाटप केले जाईल : दामू नाईक, गोवा भाजप प्रदेशाध्यक्ष

राष्ट्रीय महामार्गावरील ओ कोकेरो जंक्शन ते मॉल दे गोवा दरम्यानची डावी बाजू पाच महिने बंद राहणार आहे. याबाबत बांधकाम विभागाच्या वतीने आदेश जारी करण्यात आला आहे. एलिवेटेड कॉरिडोअरच्या कामानिमित्ताने हा मार्ग वाहतुकीसाठी बंद केला जाणार आहे. २४ ऑगस्ट २०२५ ते ३१ जानेवारी २०२६ या काळात हा मार्ग बंद राहणार आहे.

गोमेकॉत सुरक्षा रक्षकाने रुग्णांच्या नातेवाईकांना मारहाण केल्याची घटना घडली आहे. याप्रकरणी आगशी पोलिसांनी गुन्हा नोंद करुन भागू येडगे (२७, साकोर्डा, धारबांदोडा) याला अटक करण्यात आली आहे. १९ ऑगस्ट रोजी ही घटना घडली