Goa Today's News Live: मये तलावाला येणार 'अच्छे दिन', 1 नोव्हेंबरपासून मिळणार पर्यटनाला चालना

जागतिक पर्यटनस्थळ असलेल्या मये तलावाला येणार 'अच्छे दिन'. एक नोव्हेंबरपासून मिळणार पर्यटनाला चालना. नवीन कंत्राटदार नियुक्त. आमदार प्रेमेंद्र शेट यांची माहिती.

वास्को ते कुळे व परत या मार्गावरील रेल्वेगाडी १६ ऑक्टोबरपासून ३१ दिवस बंद राहणार आहे. वास्को ते केळशीदरम्यान लोहमार्गावर सुरक्षाविषयक काम केले जाणार असल्याने १५ नोव्हेंबरपर्यंत ही गाडी बंद ठेवण्याचा निर्णय दक्षिण-पश्चिम रेल्वेने घेतला आहे.

पणजी: भरती प्रक्रियेत बनावट गुणपत्रिका सादर करून पोलिस खात्यात नोकरी मिळवल्याच्या आरोपावरून एका माजी नाभिकाविरोधात पणजी पोलीस ठाण्यात फसवणुकीचा गुन्हा नोंदवण्यात आला आहे. संशयिताचे नाव प्रेमानंद माजगावकर (माजी नाभिक) असे असून, त्याच्यावर बीएनएस कलम ३३६(३) आणि ३४० अंतर्गत गुन्हा दाखल करण्यात आला आहे. ही कलमे अनुक्रमे फसवणुकीच्या हेतूने बनावट कागदपत्र तयार करणे आणि खोटे कागदपत्र खरे म्हणून वापरणे या गुन्ह्यांशी संबंधित आहेत.

तिसवाडी येथील ७२ वर्षीय वृद्धाची ऑनलाईन गुंतवणुकीच्या नावाखाली ४.७२ कोटी रुपयांची फसवणूक करण्यात आली आहे. राज्यातील आजवरची ही सर्वात मोठी फसवणूक आहे. खोट्या आयपीओच्या आमिषाला बळी पडून वृद्धाने पैसे गमावले आहेत.

श्रीस्थळ – काणकोण येथे मालमत्तेच्या वादातून दोन ज्येष्ठ नागरिकांना शेजाऱ्यांकडून गंभीर मारहाण करण्यात आली आहे. दोघांनाही उपचारासाठी मडगाव येथील जिल्हा रुग्णालयात हलविण्यात आले आहे.