Goa Live Updates: गिरीत सर्व्हिस रोडवर रुग्णवाहिका उलटली

गोवा जिल्हा रुग्णालयातील एक रुग्णवाहिका रविवारी सकाळी अपघातग्रस्त झाली. रुग्णाला गोवा वैद्यकीय महाविद्यालयात उपचारासाठी घेऊन जात असताना गिरी सर्व्हिस रोडवरील खराब रस्त्यामुळे ही रुग्णवाहिका उलटली. सुदैवाने या अपघातात रुग्णाला कोणतीही दुखापत झाली नाही. तत्काळ आरोग्य विभागाच्या कर्मचाऱ्यांनी धाव घेऊन रुग्णाला सुरक्षितपणे दुसऱ्या रुग्णवाहिकेत हलवले आणि पुढील उपचारासाठी जीएमसी येथे रवाना केले.

गोव्याचे वीज मंत्री सुदिन ढवळीकर यांनी माहिती दिली आहे की, वीज खात्यातील नवीन प्रकल्पासाठी जैका या संस्थेमार्फत प्रक्रिया सुरू करण्यात आली आहे. या प्रकल्पासाठी अंदाजे ५ हजार कोटी रुपये खर्च अपेक्षित आहे.