Goa News: "मी रामा काणकोणकरांच्या स्थितीवर लक्ष ठेवून आहे', मंत्री राणेंचं वक्तव्य; वाचा दिवसभरातील घडामोडी

आयआयटीसाठी योग्य जागा सापडली नसल्यास वीज मंत्री सुदिन ढवळीकर यांनी विनंती केलेल्या फर्मागुडीचा जागेचा विचार सरकारने करावा - माजी खासदार विनय तेंडुलकर

रामा कांकोणकर यांच्यावर जीएमसीमध्ये उपचार सुरू आहेत आणि मी त्यांचे बारकाईने निरीक्षण करत आहे. त्यांच्या डिस्चार्जबाबत काही गोंधळ होता, परंतु मी डॉक्टरांना कळवले की सरकार त्यांना आवश्यक असलेले सर्व उपचार देण्यास वचनबद्ध आहे. मी वैद्यकीय अधीक्षकांना त्यांची पूर्ण काळजी घेण्याचे निर्देश दिले आहेत

फोंडा येथे पोलीस स्थानकाच्या हद्दीत एका नराधम पित्याने आपल्या 14 वर्षीय अल्पवयीन मुलीचा विनयभंग केल्याची धक्कादायक घटना समोर आली आहे. याप्रकरणी पोलिसांनी तत्काळ कारवाई करत आरोपी वडिलाला अटक केली आहे.

माझ्याकडे असंख्य पुस्तके आहेत त्यामुळे मी अचूक पाने मोजू शकत नाही. मी एक उत्सुक वाचक आहे आणि माझ्या घरी हजारो पुस्तके आहेत. मी नक्कीच एक पुस्तक लिहीन असे गोविंद गावडे यांनी रमेश तवडकरबाबत बोलताना सांगितले.

सावर्डे मतदारसंघातील आमदार डॉ. गणेश गांवकर यांना विधानसभेच्या सभापतीपदी नियुक्ती म्हणजे भारतीय जनता पक्षाकडून मला व जनतेला मिळालेली वाढदिवसाची अमुल्य अशी भेट.

- विनय तेंडुलकर

ओंकार हत्तीच्या उपस्थितीबद्दल भाष्य करताना कृषीमंत्री रवी नाईक म्हणाले की ज्या लोकांचे नुकसान झालेलं आहे त्यांना भरपाई देऊ.हत्ती हे गणपतीचे रूप आहे तो लोकांना भेटण्यासाठी आणि आशीर्वाद देण्यासाठी आला आहे

विरोधी पक्षात आमच्यापैकी ७ जण आहेत, परंतु सभापतींच्या निवडणुकीत आम्हाला १० मते मिळण्याची अपेक्षा आहे. विधानसभेत सत्ताधारी पक्षाचे संख्याबळ जास्त असू शकते, परंतु बाहेर आम्हाला मजबूत पाठिंबा आहे. जो कोणी सभापती होईल त्याने तटस्थ राहावे आणि सर्वांशी निष्पक्ष राहावे : युरी आलेमाओ, एलओपी

सार्वजनिक दुर्गा उत्सव समिती बाजारपेठ पेडणे मार्फत 21 वर्षापासून श्री दुर्गा पूजन केले जाते आणि या दुर्गा पुजनामध्ये सलगपणे 21 वर्षे मूर्तिकार शांताराम बापू कोल्हापूरकर हे स्वतः चिकण माती पासून दुर्गा देवीची मूर्ती तयार कतात.