Goa Live News Updates: मासाज पार्लरमधून नऊ मुलींची सुटका; कोलवा येथे पोलिसांचे लेट नाईट ऑपरेशन

फिफाने महिला फुटबॉल विकास समितीच्या सदस्यपदी वालांका आलेमाव यांची निवड केली आहे. २०२५ ते २०२९ या कार्यकाळात वालांका काम पाहतील. या समिच्या अध्यक्षपदी लॉरा जॉर्ज्स आहेत.

कोलवा येथे पोलिसांनी उशीरा रात्री केलेल्या ऑपरेशनमध्ये एका मसाज पार्लरमधून नऊ मुलींची सुटका करण्यात आली. यात अर्ज या समाज सेवे संस्थेने देखील सहभाग घेतला होता. मानवी तस्करी प्रकरणी ही कारवाई करण्यात आली. दक्षिण गोवा अधीक्षकांच्या सूचनेनुसार ही कारवाई केली.

पैसे डबल करुन देतो असे म्हणत पर्वरीतील एका व्यक्तीला २९.८७ लाख रुपयांचा गंडा घातला. याप्रकरणी रायबंदर येथील मारफायर लोबो या व्यक्तीविरोधात गुन्हा दाखल करण्यात आला आहे. पणजी पोलिसांनी याप्रकरणी तपास सुरु केला आहे.