Goa Assembly Live: रस्ते खोदण्यापूर्वी एक महिना आधी नोटीस बंधनकारक

गोव्यातील रस्त्यांच्या बेसुमार खोदकामामुळे त्रस्त असलेल्या जनतेला दिलासा देण्यासाठी सार्वजनिक बांधकाम मंत्री दिगंबर कामत यांनी आज विधानसभेत कडक नियमावली जाहीर केली. यापुढे कोणत्याही कारणासाठी रस्ता खोदण्यापूर्वी संबंधित अभियंत्यांना एक महिना आधी आगाऊ सूचना देणे अनिवार्य असेल.

गोव्यातील टॅक्सी व्यवसायावरून सुरू असलेल्या वादाच्या पार्श्वभूमीवर, आमदार जीत आरोलकर यांनी टॅक्सी चालकांना मोठा दिलासा दिला आहे. मुख्यमंत्री डॉ. प्रमोद सावंत लवकरच टॅक्सी चालकांसाठी एका महत्त्वाच्या आणि फायदेशीर निर्णयाची घोषणा करणार असल्याचे त्यांनी सांगितले.

'वंदे मातरम्' या राष्ट्रगीताच्या १५० व्या वर्षानिमित्त विधानसभेत आयोजित विशेष चर्चेत आम आदमी पार्टीचे (AAP) आमदार वेंझी यांनी केलेल्या विधानावर मुख्यमंत्री डॉ. प्रमोद सावंत यांनी कडक शब्दांत ताशेरे ओढले आहेत. वेंझी यांनी राष्ट्रीय स्वयंसेवक संघावर (RSS) केलेल्या टीकेला मुख्यमंत्र्यांनी 'इतिहासाचा अभाव' असल्याचे म्हटले.