WI vs ZIM: क्रिकेट जगतात रोज नवनवीन विक्रम होत आहेत. मंगळवारी एका खेळाडूने एक अनोखा विक्रम आपल्या नावावर केला. झिम्बाब्वेकडून खेळणाऱ्या गॅरी बॅलेन्सने वेस्ट इंडिजविरुद्ध खेळल्या गेलेल्या सामन्यात शतक झळकावताच मोठा विक्रम केला.
दरम्यान, वेस्ट इंडिज (West Indies) आणि झिम्बाब्वे यांच्यात दोन सामन्यांची कसोटी मालिका खेळली जात आहे. या मालिकेतील पहिल्या सामन्यात झिम्बाब्वेच्या संघाने 7 गडी गमावून 192 धावा केल्या. त्यानंतर बॅलन्सने डाव सावरला आणि संघासाठी शानदार शतक झळकावले. झिम्बाब्वेकडून खेळण्यापूर्वी गॅरी बॅलेन्स इंग्लंडकडून खेळत असे.
वेस्ट इंडिजविरुद्ध खेळल्या जात असलेल्या या सामन्यात गॅरी बॅलेन्सने शतक झळकावून अनोखा विक्रम केला. दोन देशांसाठी कसोटी शतक झळकावणारा तो जगातील दुसरा खेळाडू ठरला. इंग्लंडकडून (England) खेळताना बॅलेन्सनेही शतक झळकावले. त्याच्या आधी हा पराक्रम फक्त केप्लर व्हेसल्सनेच केला होता.
दुसरीकडे, केप्लर व्हेसल्स दोन देशांसाठी आंतरराष्ट्रीय क्रिकेटही खेळला आहे. तो ऑस्ट्रेलिया आणि दक्षिण आफ्रिका या दोन्ही संघांसाठी आंतरराष्ट्रीय क्रिकेट खेळला आहे. 1982-83 मध्ये ऑस्ट्रेलियाकडून खेळताना त्याने इंग्लंडविरुद्धच्या कसोटी सामन्यात 162 धावांची खेळी केली.
विशेष म्हणजे, 1994 मध्ये दक्षिण आफ्रिकेकडून खेळताना त्याने 105 धावांची खेळी खेळली होती. आता गॅरी बॅलेन्सने त्याच्या विक्रमाची बरोबरी केली आहे. गॅरी बॅलेन्सचा झिम्बाब्वेसाठी हा पहिलाच कसोटी सामना होता. यापूर्वी, त्याने इंग्लंडकडून खेळताना चार शतके झळकावली आहेत.
इंग्लंड संघाचा माजी कर्णधार इऑन मॉर्गनही दोन देशांसाठी आंतरराष्ट्रीय क्रिकेट खेळला आहे. इऑन मॉर्गन इंग्लंडकडून खेळण्यापूर्वी आयर्लंडकडून खेळत असे. मॉर्गनने 2006 मध्ये आयर्लंडकडून पदार्पण केले होते.
पदार्पणाच्या सामन्यात त्याचे शतक हुकले आणि तो 99 धावांवर बाद झाला होता. परंतु मॉर्गनने 2007 मध्ये आयर्लंडकडून खेळताना पहिले एकदिवसीय शतक झळकावले.
शिवाय, 2010 मध्ये त्याने इंग्लंडसाठी पदार्पण केले. इंग्लंडसाठी त्याने एकदिवसीय सामन्यांमध्ये एकूण 13 शतके झळकावली. विशेष म्हणजे, दोन देशांकडून खेळताना त्याची वनडेत शतके आहेत. इंग्लंडकडून खेळताना त्याने कसोटी सामन्यांमध्येही दोन शतके झळकावली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
