Women Premier League: महिला प्रीमियर लीग (WPL) यावर्षी भारतात खेळवली जाणार आहे. या नवीन लीगसाठी फ्रँचायझी विकल्या गेल्या आहेत. लवकरच संपूर्ण जगाला सर्व संघांबद्दल माहिती मिळेल. या लीगचा लिलाव काही दिवसांतच होणार आहे. दरम्यान, संघांची नावेही समोर येऊ लागली आहेत. शुक्रवारी लखनौ संघाचे नावही समोर आले आहे.
महिला प्रीमियर लीग (WPL) मध्ये Capri Global Holdings Pvt Ltd च्या मालकीच्या लखनौ फ्रँचायझीचे नाव 'UP वॉरियर्स' असेल. भारतीय क्रिकेट नियामक मंडळाने पाच संघांसाठी या डब्ल्यूपीएलचा लिलाव केला होता, ज्यामध्ये कॅप्री ग्लोबल होल्डिंग्स प्रायव्हेट लिमिटेडने लखनौ फ्रँचायझी 757 कोटी रुपयांना विकत घेतली होती.
इंग्लंडचे माजी क्रिकेटपटू जॉन लुईस यांची संघाच्या मुख्य प्रशिक्षकपदी नियुक्ती करण्यात आली आहे, तर माजी अर्जुन पुरस्कार विजेती अंजू जैन सहाय्यक प्रशिक्षक असतील.
ऑस्ट्रेलियाचा माजी क्रिकेटपटू ऍशले नॉफके हे गोलंदाजी प्रशिक्षक असतील, तर चार वेळा विश्वविजेती ऑस्ट्रेलियाची लिसा स्टालेकर संघाची मार्गदर्शक असेल. इंग्लंडच्या (England) महिला संघाचे सध्याचे मुख्य प्रशिक्षक लुईस हे खूप अनुभवी आहेत, त्यांनी आंतरराष्ट्रीय आणि देशांतर्गत 500 हून अधिक सामन्यांमध्ये 1200 विकेट्स घेतल्या आहेत.
तसेच, WPL 4 ते 26 मार्च दरम्यान मुंबईत (Mumbai) होणार आहे. त्याचे सर्व 22 सामने ब्रेबॉर्न स्टेडियम आणि डीवाय पाटील स्टेडियमवर खेळवले जातील. WPL साठी खेळाडूंचा लिलाव 13 फेब्रुवारीला मुंबईत होणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.