Weightlifting Gold Medal : पणजी, गोव्यातील ३७व्या राष्ट्रीय क्रीडा स्पर्धेत वेटलिफ्टिंगमध्ये शुक्रवारी पुरुषांच्या ८१ किलो वजनगटात राजस्थानच्या निकेत जांगिड याने, तर महिलांच्या ७१ किलो वजनगटात पंजाबच्या हरजिंदर कौर हिने सुवर्णपदक जिंकले.
स्पर्धा कांपाल येथील क्रीडानगरीत सुरू आहे. महिलांच्या ७१ किलो वजनगटात महाराष्ट्राची तृप्ती माने रौप्यपदकाची मानकरी ठरली. एकूण १९० किलो वजन उचलले, तर सुवर्णपदक विजेत्या हरजिंदरने एकूण २०१ किलो वजन उचलून अव्वल क्रमांक मिळविला.
ब्राँझपदक विजेत्या मणिपूरच्या पोत्शांगबाम उमेश्वरी देवी हिला एकूण १८९ किलो वजन उचलणे शक्य झाले.
पुरुषांच्या ८१ किलो वजन गटात सुवर्णपदक विजेत्या निकेत याने एकूण ३१७ किलो वजन उचलले. मध्य प्रदेशच्या वाल्लुरी अजय बाबू याने एकूण ३१२ किलो वजन उचलून रौप्यपदक जिंकले. तर महाराष्ट्राच्या अभिषेक निपाणे याने एकूण ३०९ किलो वजन उचलून ब्राँझपदक प्राप्त केले.
पुुरुषांच्या ८९ किलो वजन गटात केवळ दोन किलोंच्या फरकाने तिन्ही पदके निश्चित झाली. चंडीगडच्या गौरव याने ३१९ किलोंसह सुवर्णपदक मिळविले.
सेनादलाच्या पी.एस मरुष याला ३१८ किलोंसह रौप्यपदकावर समाधान मानावे लागले. पंजाबच्या अमरजित गुरू याला ३१७ किलोंसह ब्राँझपदक मिळाले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.