KL Rahul And Athiya shetty Marriage Gift: टीम इंडियाचा स्टार सलामीवीर केएल राहुल आणि बॉलिवूड अभिनेत्री अथिया शेट्टी विवाहबंधनात अडकले आहेत. बराच काळ एकमेकांना डेट केल्यानंतर 23 जानेवारीला दोघांनी लग्न केले.
केएल राहुलचे सहकारी खेळाडू भारत-न्यूझीलंड मालिकेमुळे लग्नाला उपस्थित राहू शकले नसतील, परंतु त्यांनी भेटवस्तू नक्कीच पाठवल्या आहेत. या यादीत विराट कोहली आणि टीम इंडियाचा माजी कर्णधार एमएस धोनी यांचाही समावेश आहे, ज्यांच्या भेटवस्तू सध्या चर्चेत आहेत.
मीडिया रिपोर्ट्सनुसार, विराट कोहलीने केएल राहुल (KL Rahul) आणि अथिया शेट्टीला वेडिंग गिफ्ट बीएमडब्ल्यू कार दिली. या कारची किंमत 2.17 कोटी रुपये आहे. विराट कोहली आणि केएल राहुल दीर्घकाळापासून एकत्र क्रिकेट खेळत आहेत. हे दोन्ही खेळाडू आयपीएलमध्ये एकाच संघाकडून खेळले आहेत.
भारताचा माजी कर्णधार एमएस धोनी देखील केएल राहुलच्या लग्नात पोहोचला होता. एमएसला बाइक आवडते, म्हणून त्याने केएल राहुलला बाईक भेट म्हणून दिली आहे. त्याने केएल राहुलला कावासाकी निन्जा बाईक भेट दिली, ज्याची किंमत 80 लाख रुपये आहे.
भारतीय क्रिकेटपटूंशिवाय बॉलिवूड सेलिब्रिटींनीही केएल राहुल आणि अथिया शेट्टी (Athiya Shetty) यांना महागड्या भेटवस्तू दिल्या. मीडिया रिपोर्ट्सनुसार, सलमान खानने या जोडप्याला 1.64 कोटी रुपयांची ऑडी कार गिफ्ट केली आहे, तर सुनील शेट्टीने मुंबईत 50 कोटी रुपयांचा अपार्टमेंट गिफ्ट केला आहे. अर्जुन कपूरने अथिया शेट्टीला हिऱ्याचे ब्रेसलेट भेट दिले, ज्याची किंमत 1.5 कोटी रुपये आहे. याशिवाय, जॅकी श्रॉफने अथियाला 30 लाख रुपयांचे घड्याळही भेट दिले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
