भारतीय संघाचा कर्णधार विराट कोहली (Virat Kohli) सध्या खराब फॉर्मशी झगडत असेल, पण असे असूनही, त्याचे फॅन फॉलोइंग मात्र जगभरात कोणत्याही प्रकारे कमी झालेले नाही. शुक्रवारी विराटला इन्स्टाग्रामवर 150 दशलक्ष फॉलोअर्स (150 Millions Followers) मिळाले. या टप्प्यावर पोहोचणारा तो पहिला भारतीय खेळाडू बनला आहे.
150 दशलक्ष इंस्टाग्राम फॉलोअर्स मिळवणारा विराट कोहली क्रिकेट जगतातला पहिला क्रिकेटपटू आहे. केवळ भारतातच नव्हे तर संपूर्ण आशियामध्ये इतके फॉलोअर्स असलेले ते पहिले व्यक्ती आहेत. जर आपण क्रीडा विश्वाबद्दल बोलायचे झाले तर विराटाचे नाव या यादीत चौथ्या क्रमांकावर येते.
फुटबॉलपटू क्रिस्टियानो रोनाल्डो इन्स्टाग्रामवर सर्वाधिक फॉलोअर्सच्या बाबतीत क्रीडा विश्वात प्रथम क्रमांकावर असून, त्याचे 337 दशलक्ष फॉलोअर्स आहेत. 260 दशलक्ष फॉलोअर्ससह लिओनेल मेस्सी दुसऱ्या स्थानावर आहे. तर ब्राझीलचा फुटबॉलपटू नेमारचे इंस्टाग्रामवर 160 दशलक्ष फॉलोअर्स आहेत. यानंतर क्रमांक लागतो तो म्हणजे भारतीय क्रिकेट संघाचा कर्णधार विराट कोहलीचा.
हॉपर एचक्युच्या अनुसार, विराट कोहलीला इन्स्टाग्रामवर मोठ्या संख्येने फॉलोअर्स असल्याचा फायदा मिळतो. इन्स्टाग्रामवर पोस्ट टाकण्यासाठी तो पाच कोटींपर्यंत शुल्क आकारतो. असे मानले जाते की 150 मिलियन फॉलोअर्स झाल्यानंतर विराट कोहलीच्या शुल्कात आणखी वाढ होईल .
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
