वेस्ट इंडिजविरुद्धचा दुसरा वनडे सामना बुधवारी रंगणार आहे. विराट कोहलीने वेस्ट इंडिजविरुद्धच्या दुसऱ्या कसोटी सामन्यात 18 धावा केल्या आणि त्याला ओडियन स्मिथने कॅच आउट केले. विराट कोहलीची ही 250 वी एकदिवसीय खेळी होती. या डावात त्याने 3 चौकार मारले. 250 डाव खेळल्यानंतर विराट कोहली आता वनडे क्रिकेटमध्ये सर्वाधिक चौकार मारणाऱ्या फलंदाजांच्या यादीत पहिल्या क्रमांकावर आहे. याशिवाय वनडे क्रिकेटमध्ये 250 डावांनंतर सर्वाधिक धावा करण्याच्या बाबतीतही तो पहिल्या स्थानावर आहे.
विराटच्या नावावर 250 एकदिवसीय डावात 1278 चौकार
विराट कोहलीने (Virat Kohali) आतापर्यंत 259 एकदिवसीय सामन्यांच्या 250 डावांमध्ये 1278 चौकार मारले आहेत. यात विराट ने 1153 चौकार आणि 125 षटकार मारले आहेत. तर दुसऱ्या क्रमांकावर सेहवाग आहे ज्याने 245 डावात 1268 चौकार लगावले आहेत. ख्रिस गेल ने 1213 चौकार मारून तिसर्‍या क्रमांकावर आहे तर अॅडम गिलख्रिस्ट हा 1167 चौकारांसह चौथ्या क्रमांकावर आहे. 1109 चौकार मारुन गांगुली हा पाचव्या क्रमांकावर आहे.
250 एकदिवसीय डावानंतर सर्वाधिक चौकार काढणारे फलंदाज-
1278 - विराट कोहली
1268 - वीरेंद्र सेहवाग
1213 - ख्रिस गेल
1167 - अॅडम गिलख्रिस्ट
1109 - सौरव गांगुली
विराट कोहलीच्या नावावर वनडेमध्ये 250 डावांनंतर सर्वाधिक धावा
एकदिवसीय क्रिकेटमधील 250 डावांनंतर सर्वाधिक धावा करणाऱ्या खेळाडूंच्या बाबतीत विराट कोहली हा 12,311 धावांसह पहिल्या क्रमांकावर आहे, तर गांगुली 9609 धावांसह दुसऱ्या स्थानावर आहे. तेंडुलकरने 250 एकदिवसीय डावात 9607 धावा केल्या असून तो तिसऱ्या क्रमांकावर आहे. महेंद्रसिंह धोनी 9338 धावांसह पाचव्या तर लारा हा 9354 धावांसह चौथ्या क्रमांकावर आहे.
250 डावांनंतर वनडेमध्ये सर्वाधिक धावा करणारे 5 फलंदाज
12311 - विराट कोहली
9609 - सौरव गांगुली
9607 - सचिन तेंडुलकर
9354 - ब्रायन लारा
9338 - महेंद्रसिंह धोनी
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
