पणजी : कौशल हट्टंगडीचे नाबाद शतक, तसेच अमित यादव व किथ पिंटो यांच्या प्रभावी गोलंदाजीच्या बळावर विजय क्रिकेट (Cricket) क्लबने 40 व्या नंदा लोलयेकर करंडक एकदिवसीय क्रिकेट स्पर्धेत सामना एकतर्फी जिंकला. त्यांनी रुद्रेश्वर युवक संघावर 183 धावांनी मात केली.
माशे क्रिकेट क्लबच्या या स्पर्धेतील सामना रविवारी माशे-काणकोण येथील निराकार मैदानावर झाला. कौशलने आक्रमक फलंदाजी करताना 65 चेंडूंत नाबाद 110 धावा केल्या. त्यामुळे प्रथम फलंदाजी करताना विजय क्लबने 7 बाद 263 धावा केल्या. त्यांच्या डावात महत्त्वपूर्ण योगदान देताना शशांक वेरेकर (46) व वैभव नाईक (41) यांनी दुसऱ्या विकेटसाठी 70 धावांची भागीदारी केली. नंतर अमित यादव (5-31) व किथ पिंटो (4-13) यांनी रुद्रेश्वर युवक संघाचा डाव 80 धावांत गुंडाळून संघाला मोठा विजय मिळवून दिला.
संक्षिप्त धावफलक ः विजय क्रिकेट क्लब ः 35 षटकांत 7 बाद 263 (कौशल हट्टंगडी नाबाद 110, शशांक वेरेकर 46, वैभव नाईक 41, झीशान हाश्मी 2-51, आनंद माजाळीकर 1-41, प्रथमेश नाईक 2-35, पुंडलिक नाईक 1-43) वि. वि. रुद्रेश्वर युवक संघ ः सर्वबाद 80 (आनंद माजाळीकर 19, झीशान हाश्मी 16, अमित यादव 5-31, किथ पिंटो 4-13).
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
