Brian Lara: आयपीएल 2022 (IPL 2022) च्या निराशाजनक हंगामानंतर सनरायझर्स हैदराबादने मुख्य प्रशिक्षक टॉम मूडी यांना त्यांच्या पदावरुन हटवले आहे. फ्रेंचायझीने आता वेस्ट इंडिजचा अनुभवी फलंदाज ब्रायन लारा यांची मुख्य प्रशिक्षक म्हणून नियुक्ती केली आहे. लारा यापूर्वी संघाचे मार्गदर्शक म्हणून काम करत होते. ते आता मुख्य प्रशिक्षक म्हणून सनरायझर्स कॅम्पची जबाबदारी सांभाळणार आहेत.
दरम्यान, SRH ने ट्विट करत लारा यांची मुख्य प्रशिक्षक म्हणून नियुक्ती जाहीर केली. मुथय्या मुरलीधरन आता लारा यांचा सहाय्यक असेल. आयपीएल 2022 (IPL 2022) नंतर मूडीज यांचा कार्यकाळ संपला होता. फ्रँचायझीने आगामी हंगामासाठी त्यांना मुदतवाढ दिली नाही.
दुसरीकडे, सनरायझर्स हैदराबादने (Sunrisers Hyderabad) ट्विटमध्ये म्हटले की, "आमच्यासोबतचा त्यांचा कार्यकाळ संपत आहे. टॉम यांच्या SRH मधील योगदानाबद्दल आभार मानू इच्छितो. गेल्या अनेक वर्षांपासूनचा हा एक अद्भुत प्रवास आहे. भविष्यासाठी आम्ही त्यांना शुभेच्छा देतो."
तसेच, डेव्हिड वॉर्नरच्या (David Warner) नेतृत्वाखाली सनरायझर्स हैदराबादने 2016 मध्ये फक्त एकदाच आयपीएलचे विजेतेपद पटकावले आहे. तथापि, आयपीएल 2022 मध्ये SRH ची कामगिरी निराशाजनक होती. टॉम मूडी यांच्या मार्गदर्शनाखाली संघाने 14 पैकी केवळ सहा सामने जिंकले होते. गुणतालिकेत ते आठव्या स्थानावर होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
