टोकियो: टोकियो ऑलिंपिक (Tokyo Olympics) आता काही दिवसांवर येऊन ठेपली असली तरी त्याला लागलेले कोरोनाचे (Covid-19) ग्रहण कमी होण्याचे नाव घेत नाही. यातच जपानमधील ओलंपिक गावामध्ये असणाऱ्या दोन खेळाडूंना कोरोनाची लागण (Two players infected with corona) झाल्याचे समोर आले आहे. याबाबत आयोजकांचे असे म्हणणे आहे की, ओलंपिक गावातील कोरोनाची ही पहिलीच केस आहे.
या आधी या गावात राहणाऱ्या भारताचे सीडीएम डॉ. प्रेम वर्मा यांनी सांगितले, भारताचे खेळाडू ओलंपिक गावात पोहोचल्यावर तीन दिवसांचे विलगीकरण असेल. शनिवारी अनेक खेळाडू येथे पोहोचले आहेत. त्यामुळे त्यांनी काळजी घेणे आवश्यक आहे.
या आधी देखील अनेक खेळाडूंना कोरोनाची लागण झाल्याचे समोर आले आहे. या सर्व खेळाडूंना विलगीकरणात ठेवण्यात आले आहे. त्याचबरोबर या खेळाडूंच्या संपर्कात आलेल्या सर्वांचे विलगीकरण करण्यात आले आहे. साऊथ कोरीयाचे IOC चे सदस्य रियू सीयूंग-मिन हे देखील कोरोना पॉझिटीव्ह आले आहेत. त्यांची जपानला जाण्याआधी दोनदा कोरोना चाचणी घेण्यात आली होती. पण दोन्ही वेळी त्यांची टेस्ट निगेटीव्ह आली होती. याशिवाय त्यांनी लसीचे सर्व डोस देखील घेतले आहेत. तरीही ते कोरोना पॉझिटीव्ह सापडले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
