वर्ल्ड टेस्ट चॅम्पियनशिपचा (World Test Championship) विजेता, जगातील नंबर 1 संघ असलेल्या न्यूझीलंडच्या (New Zealand) नशिबाला पराभवाचं ग्रहण लागलं आहे. मुंबई कसोटीच्या पहिल्या डावात न्यूझीलंडचा संघ अवघ्या 62 धावांत गारद झाला. टीम इंडियासमोर (Team India) किवी संघ 28.1 षटकापर्यंतच क्रीझवर दम धरु शकला. एकाही फलंदाजाला 20 धावांचा आकडा गाठता आला नाही. किवी संघाने शरणागती दरम्यान काही अवांछित विक्रम केले, तर दुसरीकडे अश्विन आणि कोहलीने जबरदस्त कामगिरी केली. जाणून घ्या न्यूझीलंडच्या शरणागतीबद्दलच्या 5 गोष्टी.
मुंबई कसोटीच्या पहिल्या डावात न्यूझीलंडचा संघ 62 धावांत गारद झाला, ही भारतीय मैदानावरील सर्वात कमी धावसंख्या आहे. यापूर्वी हा विक्रम केवळ भारताच्या नावावर होता, ज्याने 34 वर्षांपूर्वी वेस्ट इंडिजविरुद्ध (West Indies) अवघ्या 75 धावा केल्या होत्या. 2015 मध्ये दक्षिण आफ्रिकेचा (South Africa) संघही 79 धावांत गारद झाला होता.
न्यूझीलंडच्या कसोटी क्रिकेट इतिहासातील ही सहावी नीचांकी धावसंख्या आहे. त्याच वेळी, कोणत्याही आशियाई संघाविरुद्ध 62 धावा ही न्यूझीलंडची सर्वात खराब कामगिरी आहे. विराटच्या नेतृत्वाखाली भारताने न्यूझीलंडला 62 धावांत गुंडाळले. दक्षिण आफ्रिकेचा संघही भारताविरुद्ध 79 आणि इंग्लंडविरुद्ध 81 धावांत आटोपला होता.
रविचंद्रन अश्विनने 50 व्यांदा एका डावात 4 बळी घेण्याचा पराक्रम केला आहे. ही कामगिरी करणारा तो अनिल कुंबळेनंतर दुसरा भारतीय ठरला आहे. कुंबळेने आपल्या कसोटी कारकिर्दीत 66 वेळा एका डावात 4 विकेट्स घेतल्या आहेत. आर अश्विनने 2021 मध्ये 48 कसोटी विकेट घेतल्या आहेत. तर यावर्षी तो सर्वाधिक विकेट घेणारा गोलंदाज ठरला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
