PAK vs AUS: पाकिस्तान-ऑस्ट्रेलिया सीरीजवर दहशतवादी हल्ल्याचं सावट !

सुरक्षेच्या मुद्द्यावर अपयशी ठरल्यामुळे दीर्घकाळ जगातील अव्वल क्रिकेट संघांच्या यजमानपदापासून वंचित राहिलेल्या पाकिस्तानसाठी (Pakistan) 4 मार्च हा ऐतिहासिक दिवस ठरला आहे. सुमारे 24 वर्षांच्या प्रदीर्घ प्रतिक्षेनंतर, ऑस्ट्रेलियन संघ पहिल्यांदाच कसोटी मालिका खेळण्यासाठी पाकिस्तानात दाखल झाला आहे. (The Blast In Peshawar Has Raised Questions About The Continuation Of The Pakistan Australia Series)

पाकिस्तान आणि ऑस्ट्रेलिया (Pakistan vs Australia) यांच्यातील तीन सामन्यांच्या कसोटी मालिकेतील पहिला सामना रावळपिंडीतील (Rawalpindi) प्रसिद्ध पिंडी क्रिकेट स्टेडियमवर सुरु झाला, परंतु काही तासांतच पाकिस्तानमधील सुरक्षा परिस्थिती पुन्हा एकदा चव्हाट्यावर आली. रावळपिंडीपासून सुमारे 190 किमी अंतरावर असलेल्या पेशावरमध्ये (Peshawar) भीषण बॉम्बस्फोट (Peshawar Bomb Blast) झाला, ज्यामध्ये सुमारे 50 जणांना प्राण गमवावे लागले. त्यामुळे ऑस्ट्रेलियाच्या पाकिस्तानमधील उपस्थितीवर प्रश्न उठत आहे.

पाकिस्तानी मीडियाच्या मते, पेशावरमध्ये शुक्रवारच्या नमाजाच्या वेळी मशिदीमध्ये मोठा बॉम्बस्फोट झाला, ज्यामध्ये सुमारे 30 लोक ठार झाले, तर 50 हून अधिक लोक जखमी झाले. आतापर्यंत कोणत्याही दहशतवादी संघटनेने या हल्ल्याची जबाबदारी स्वीकारलेली नाही. मिळालेल्या माहितीनुसार, मृतांचा आकडा आणखी वाढू शकतो. पेशावर पोलिसांनी दिलेल्या माहितीनुसार, दोन हल्लेखोरांनी मशिदीत घुसण्याचा प्रयत्न केला, मात्र त्यांना अडवल्यावर त्यांनी पोलिसांवर गोळीबार केला. यामध्ये एका पोलिसाचा मृत्यू झाला, तर दुसरा जखमी झाला. त्यानंतर काही वेळातच मशिदीत स्फोट झाला.

शिवाय, या स्फोटामुळे पाकिस्तान-ऑस्ट्रेलिया मालिका सुरु ठेवण्यावर प्रश्नचिन्ह निर्माण झाले आहे. ऑस्ट्रेलियन संघ 1998 नंतर प्रथमच पाकिस्तानात आला आहे, जिथे त्यांना 3 कसोटी सामने, 3 वनडे आणि 1 टी-20 सामना खेळायचा आहे. संपूर्ण दौऱ्यातील पहिल्या कसोटीचा शुक्रवार हा पहिला दिवस होता. पहिल्याच दिवशी रावळपिंडीपासून सुमारे 190 किमी अंतरावर झालेल्या या स्फोटामुळे ऑस्ट्रेलियन संघ हा दौरा सुरु ठेवणार की परत जाणार, असे प्रश्न उपस्थित केले जात आहेत.