International Cricket: टीम इंडियाची शान कोणत्याही एका फॉरमॅटमध्ये नाही तर आंतरराष्ट्रीय क्रिकेटच्या तिन्ही फॉरमॅटमध्ये पाहायला मिळत आहे. भारतीय संघ सध्या क्रिकेटच्या तिन्ही फॉरमॅटसाठी ICC क्रमवारीत अव्वल 3 मध्ये स्थान मिळवणारा जगातील एकमेव क्रिकेट संघ ठरला आहे. भारताशिवाय कसोटी, वनडे आणि टी-20 आंतरराष्ट्रीय क्रिकेटमधील ICC क्रमवारीत अव्वल 3 मध्ये असलेला दुसरा कोणताही संघ नाही.
दरम्यान, भारतीय संघ (Team India) सध्या T20 आंतरराष्ट्रीय क्रिकेटमध्ये पहिल्या, कसोटी क्रिकेटमध्ये दुसऱ्या आणि एकदिवसीय आंतरराष्ट्रीय क्रिकेटमध्ये तिसऱ्या क्रमांकावर आहे. अशा प्रकारे, भारतीय संघ हा एकमेव संघ आहे, ज्याने तिन्ही फॉरमॅटमध्ये टॉप 3 मध्ये स्थान मिळवले आहे. कसोटी आणि टी-20 फॉरमॅटमध्ये टीम आधीच टॉप 3 मध्ये होती, मात्र मंगळवारी इंग्लंडविरुद्धच्या (England) वनडे मॅचमध्ये विजय मिळवल्यानंतर टीम वनडेमध्येही टॉप 3 मध्ये पोहोचली आहे.
एकेकाळी, भारतीय संघ एकदिवसीय आंतरराष्ट्रीय क्रिकेटमध्ये (International Cricket) पहिल्या स्थानावर होता, परंतु मध्यंतरीच्या वर्षांत, संघाने फार कमी एकदिवसीय आंतरराष्ट्रीय सामने खेळले आहेत. यामुळे संघाची चौथ्या क्रमांकावर घसरण झाली होती, मात्र आगामी काळात संघाला या फॉरमॅटमध्ये अनेक सामने खेळायचे असून अशा स्थितीत संघाला पुढे जाण्याची संधी आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.