इंडिया विरुध्द अफगाणिस्तान (India v Afghanistan) यांच्यात झालेल्या T20 विश्वचषकाच्या (T20 World Cup) सामन्यात भारताने अफगाणिस्तानवर 66 धावांनी विजय मिळवला आहे. हा सामना पाहण्यासाठी तालिबानी अधिकारी मोहम्मद जलाल (Mohammad Jalal) उपस्थित होता. तसेच त्याने स्टेडियमवरुन सोशल मीडियावर एक व्हिडिओ देखील पोस्ट केला आहे.
अफगाणिस्तान विरुध्दच्या सामन्यात रोहित शर्मा व लोकेश राहुल यांच्या फटकेबाजीमुळे टीम इंडियाने 20 षटकांत 3 बाद 210 धावांचा रतीब घातला. यंदाच्या विश्वचषक स्पर्धेत 200 पेक्षा अधिक धावा करणारा भारताचा पहिला संघ आहे. भारताकडून रोहितने 74 राहुल 69 रिषभ पंत 13 चेंडूत 27 तर हर्दिक पांड्या (Hardik Pandya) 13 चेंडूत 35 धावा केल्या. तालिबानी अधिकारी मोहम्मद जलाल याने या व्हिडिओत अफगाणिस्तान संघाला शुभेच्छा देताना विजय आपलाच असल्याचे म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.