T20 World Cup: उपांत्य फेरीत टीम इंडिया या संघाशी भिडणार? बदलली समीकरणे

T20 World Cup 2022 India Semifinal Race: T20 विश्वचषक अंतिम टप्प्यात पोहोचला आहे. प्रेक्षकांना रोजच रोमांचक सामने पाहायला मिळत आहेत. ग्रुप स्टेजनंतर 4 संघांमध्ये सेमीफायनलची लढत होणार आहे. यासाठी गट-1 मधील न्यूझीलंड आणि इंग्लंड संघ उपांत्य फेरीत पोहोचले आहेत. आता सर्वांना हे जाणून घ्यायचे आहे की, 2022 च्या टी-20 वर्ल्ड कपच्या सेमीफायनलमध्ये टीम इंडियाचा सामना कोणासोबत होणार आहे.

या दोन संघांनी उपांत्य फेरी गाठली

न्यूझीलंड (New Zealand) आणि इंग्लंड 2022 च्या T20 विश्वचषकाच्या गट-1 मधून उपांत्य फेरीसाठी पात्र ठरले आहेत. इंग्लंड आणि न्यूझीलंड या दोन्ही संघांचे 7-7 गुण आहेत. त्याचवेळी ऑस्ट्रेलियाचेही (Australia) 7 गुण होते, मात्र नेट-रन रेटमध्ये पिछाडीवर पडल्याने तो उपांत्य फेरीच्या शर्यतीतून बाहेर पडला.

भारत या संघाशी भिडणार

सध्या टीम इंडिया (Team India) ग्रुप 2 मध्ये अव्वल आहे. T20 विश्वचषक 2022 मध्ये भारताने आतापर्यंत चार पैकी 3 सामने जिंकले असून त्यांचे 6 गुण आहेत. भारत आणि झिम्बाब्वे (Zimbabwe) यांच्यात 6 नोव्हेंबरला टी-20 विश्वचषकात सामना होणार आहे. जर टीम इंडियाने हा सामना जिंकला तर त्याचे 8 गुण होतील आणि त्यामुळे ग्रुप-2 मध्ये अव्वल स्थान मिळवून सेमीफायनलसाठी पात्र ठरेल. जिथे उपांत्य फेरीत त्याचा सामना इंग्लंडशी होऊ शकतो.

उपांत्य फेरी 1- न्यूझीलंड विरुद्ध गट-2 क्रमांक 2 संघ (9 नोव्हेंबर, सिडनी)

सेमी-फायनल 2- ग्रुप-2 टॉपर्स विरुद्ध इंग्लंड (नोव्हेंबर 10, अ‍ॅडलेड)

विजेतेपदासाठी प्रबळ दावेदार

भारतीय संघाने 2007 साली एमएस धोनीच्या नेतृत्वाखाली प्रथमच T20 विश्वचषक 2022 जिंकला होता. तेव्हापासून टीम इंडिया या ट्रॉफीपासून दूर आहे, परंतु यावेळी रोहित शर्माच्या नेतृत्वाखाली टीम इंडिया विजेतेपदाची प्रबळ दावेदार आहे. भारताकडे अनेक स्टार खेळाडू आहेत, जे त्यांना विजेतेपद मिळवून देऊ शकतात. विराट कोहली आणि सूर्यकुमार यादव उत्कृष्ट फॉर्ममध्ये आहेत. त्याचबरोबर अर्शदीप सिंगने आपल्या गोलंदाजीने सर्वांची मने जिंकली आहेत.