Lok Sabha Elections 2024: आगामी लोकसभा निवडणुकीला फारसा वेळ उरलेला नाही. निवडणुकीच्या तारखा कधीही जाहीर केल्या जाऊ शकतात. अशा परिस्थितीत एकीकडे सर्वच राजकीय पक्ष निवडणुकीच्या तयारीत व्यस्त असताना दुसरीकडे निवडणूक आयोगही पूर्ण तयारी करण्यात व्यस्त आहे. या क्रमात पंजाबच्या मुख्य निवडणूक अधिकाऱ्यांच्या कार्यालयाने एक मोठी घोषणा केली आहे. खरे तर, मुख्य निवडणूक अधिकारी कार्यालयाने भारतीय क्रिकेटपटू शुभमन गिलला आगामी लोकसभा निवडणुकीसाठी 'स्टेट आयकॉन' बनवले आहे.
याबाबत माहिती देताना मुख्य निवडणूक अधिकारी सिबिन सी यांनी सोमवारी सांगितले की, शुभमन गिल लोकसभा निवडणुकीदरम्यान विविध प्रचाराचा भाग असणार आहेत. ज्याचा उद्देश मतदारांमध्ये जागरुकता निर्माण करणे, जेणेकरुन मतदानाची टक्केवारी 70 टक्क्यांच्या पुढे जाऊ शकेल. यावेळी निवडणूक अधिकाऱ्यांनी 70 पार करण्याचे लक्ष्य ठेवले आहे. पंजाबमध्ये 2019 च्या लोकसभा निवडणुकीत 13 जागांसाठी 65.96 टक्के मतदान झाले होते.
मुख्य निवडणूक अधिकारी सिबिन यांनी सांगितले की, पंजाबचा क्रिकेटर शुभमन गिल क्रीडाप्रेमींमध्ये, विशेषत: तरुणांमध्ये लोकप्रिय आहे आणि त्याला निवडणुकीसाठी 'स्टेट आयकॉन' बनवण्यात आले आहे. सिबिन सी यांनी पुढे सांगितले की, शुक्रवारी पंजाबच्या सर्व उपायुक्तांसोबत झालेल्या बैठकीत त्यांना गेल्या निवडणुकीत मतदानाची टक्केवारी कमी असलेली क्षेत्रे ओळखण्यास सांगितले होते. अशा भागात शुभमन जनजागृती करताना दिसणार आहे. मतदानाची टक्केवारी वाढण्यास शुभमनची मदत होईल, असेही ते पुढे म्हणाले.
दरम्यान, लोकप्रिय पंजाबी गायक तरसेम जस्सर याचीही 'स्टेट आयकॉन' म्हणून निवड झाली आहे आणि तोही अशीच मोहीम राबवताना दिसणार आहे. मुख्य निवडणूक अधिकारी सिबिन सी यांनी आशा व्यक्त केली की, प्रथमच मतदार शुभमन गिल आणि तरसेम जस्सर यांच्यापासून प्रेरित होऊन त्यांचा मतदानाचा हक्क बजावतील. इतर वयोगटातील लोकांनाही त्यांनी मोठ्या संख्येने मतदान करण्याचे आवाहन केले आहे. लोकसभा निवडणुका एप्रिल-मेमध्ये होण्याची शक्यता आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
