महाविद्यालयीन टेबल टेनिस स्पर्धेत सेंट झेवियर्स, गोवा वैद्यकीय महाविद्यालय विजेते

Table Tennis Tournament : गोवा विद्यापीठाच्या आंतरमहाविद्यालयीन टेबल टेनिस स्पर्धेत म्हापशाच्या सेंट झेवियर्सने महिलांत, तर बांबोळीच्या गोवा वैद्यकीय महाविद्यालयाने पुरुष गटात विजेतेपद पटकावले. स्पर्धा पेडे-म्हापसा येथील इनडोअर स्टेडियममध्ये झाली.

वैयक्तिक गटात गोवा वैद्यकीय महाविद्यालयाचा कार्तिक अय्यर पुरुषांत, तर महिलांत सेंट झेवियर्सची नजिदा शेख सर्वोत्तम खेळाडू ठरली.

सांघिक महिला गटात सेंट झेवियर्सचे नजिदा हिच्याव्यतिरिक्त स्तुती शिवानी, लिओना लोबो, क्लेअर गोम्स, ज्वेल फर्नांडिस यांनी, तर पुरुष गटात गोवा वैद्यकीय महाविद्यालयाचे कार्तिक याच्यासह मायरन परेरा. डॅरिन फर्नांडिस, अंशुल साधले, रजनीश सिंग यांनी प्रतिनिधित्व केले.

अंतिम निकाल

महिला गट : सेंट झेवियर्स महाविद्यालय वि. वि. गोवा वैद्यकीय महाविद्यालय, ३-१ (नजिदा शेख वि. वि. साची केरकर ११-६, ११-८, ११-६, स्तुती शिवानी वि. वि. अबिगेल कुन्हा ११-५, ६-११, ६-११, ११-६, ११-८, लिओना लोबो पराभूत वि. अरुंधती रमेश ६-११, ३-११, २-११, नजिदा वि. वि. अबिगेल ११-७, ११-८, १०-१२, १२-१०).

पुरुष गट : गोवा वैद्यकीय महाविद्यालय वि. वि. डॉन बॉस्को महाविद्यालय-पणजी, ३-० (मायरन परेरा वि. वि. अश्विन कुंकळीकर ११-८, ११-३, १४-१२, कार्तिक अय्यर वि. वि. शौनक पैंगीणकर ११-४, ११-३, ११-८, डॅरिन फर्नांडिस वि. वि. लाबान मिनेझिस ११-६, ११-५, ११-५).