भाजप खासदारांनी मंचावर कुस्तीपटूला मारली मुसकाडीत, कारण केलं स्पष्ट

भारतीय कुस्तीगीर संघटनेचे अध्यक्ष आणि भाजप खासदार ब्रिजभूषण शरण सिंग यांनी एका तरुण कुस्तीपटूला मुसकाडीत मारली. नॅशनल रेसलिंग चॅम्पियनशिपदरम्यान स्टेजवर पोहोचलेल्या पैलवानाला त्यांनी एकदा नव्हे तर दोनदा सर्वांसमोर मुसकाडीत मारली.

रांचीच्या मेगा स्पोर्ट्स (Sports) स्टेडियमवर 15 वर्षांखालील राष्ट्रीय कुस्ती स्पर्धेत प्रमुख पाहुणे म्हणून आलेले ब्रिजभूषण शरण सिंग स्टेजवर बसले होते, तेव्हा उत्तर प्रदेशातील एक कुस्तीपटू त्याच्याशी बोलण्यासाठी मंचावर चढला होता. यादरम्यान कुस्तीपटूला मुसकाडीत मारली, त्यानंतर उपस्थित अधिकाऱ्यांनी त्याला स्टेजवरून खाली खेचले. या संपूर्ण प्रकरणाचा व्हिडिओ सोशल मीडियावर (Social media) मोठ्या प्रमाणात व्हायरल झाला.

या संपूर्ण घटनेनंतर उत्तर प्रदेशसह (Uttar Pradesh) इतर राज्यांतील अनेक खेळाडूंनी याचा तीव्र निषेध केला. त्यानंतर झारखंड कुस्ती संघटनेचे अध्यक्ष भोलानाथ सिंग आणि इतरांनी मध्यस्थी करून प्रकरण शांत केले. ही स्पर्धा शुक्रवारी संपली. तीन दिवसीय स्पर्धेला 15 डिसेंबरपासून सुरुवात झाली होती. यामध्ये देशातील विविध राज्यातील 800 हून अधिक पैलवान सहभागी झाले होते.

खरेतर, स्पर्धेदरम्यान वयाच्या पडताळणीदरम्यान, उत्तर प्रदेशातील एका कुस्तीपटूचे वय 15 वर्षांपेक्षा जास्त असल्याचे आढळून आले आणि त्याला या कारणास्तव खेळायला बंधन घालण्यात आले. या कुस्तीपटूने प्रथम स्पर्धेच्या तांत्रिक संघासमोर आक्षेप नोंदवला, परंतु जेव्हा त्याचा दावा फेटाळण्यात आला तेव्हा त्याने स्टेजवर जाऊन भारतीय कुस्ती महासंघाच्या अध्यक्षांशी बोलण्याचा प्रयत्न केला. या प्रकाराने युनियनचे अध्यक्ष संतप्त झाले.

कुस्तीगीर संघटनेच्या अध्यक्षांनी या संपूर्ण प्रकरणावर आपली भूमिका मांडताना सांगितले की, त्याला तांत्रिक संघाने बंदी घातल्याने स्पर्धेत सहभागी होता येत नाही. ब्रिजभूषण सिंग म्हणाले की, कुस्तीपटू अपात्र ठरवूनही गैरवर्तनावर उतरला होता. या कारणास्तव, रागाच्या भरात मुसकाडीत मारली. आमच्या संघात गैरवर्तनाला जागा नाही, असे ते म्हणाले.