Goa Pro-League Football : जॉयसन गावकार याच्या दोन गोलच्या बळावर स्पोर्टिंग क्लब द गोवा संघाने रविवारी गोवा प्रोफेशनल लीग फुटबॉल स्पर्धेत सोपा विजय नोंदविला. त्यांनी गार्डियन एंजल स्पोर्टस क्लबला 3-0 फरकाने नमविले.
सामना म्हापसा येथील धुळेर स्टेडियमवर झाला. विश्रांतीला स्पोर्टिंग क्लबने एका गोलची आघाडी घेतली होती. लॉईड कार्दोझने 43व्या मिनिटास गोलशून्य बरोबरीची कोंडी फोडली. विश्रांतीनंतर बारा मिनिटांच्या अंतराने जॉयसनने दोन गोल केला.
त्याने अनुक्रमे 53 व 65व्या मिनिटास चेंडूला गोलनेटची अचूक दाखवत संघाची आघाडी मजबूत केली. जॉयसन सामन्याचा मानकरी ठरला.
स्पोर्टिंगने पाच लढतीत तिसऱ्यांदा विजयाचे पूर्ण तीन गुण प्राप्त केले. त्यांचे आता नऊ गुण झाले आहेत. गार्डियन एंजलला सलग आठवा पराभव पत्करावा लागला. आतापर्यंत त्यांनी स्पर्धेत तब्बल 34 गोल स्वीकारले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
