IND Vs WI: भारत आणि वेस्ट इंडिज यांच्यातील तीन एकदिवसीय सामन्यांच्या मालिकेतील शेवटचा सामना आज पोर्ट ऑफ स्पेन, त्रिनिदादमध्ये खेळवला जात आहे. या सामन्यात भारताने नाणेफेक जिंकून फलंदाजीचा निर्णय घेतला. टीम इंडियासाठी शुभमन गिल आणि कर्णधार शिखर धवन यांनी पहिल्या विकेटसाठी शतकी भागीदारी करत संघाला दमदार सुरुवात करुन दिली. दोघांनी आपली अर्धशतकेही पूर्ण केली. दरम्यान, गिलने 104 मीटर इतका लांबलचक षटकार मारला.
दरम्यान, गिलचा षटकार इतका लांब होता की, चेंडूच हरवला. यानंतर अम्पायरला दुसरा चेंडू घ्यावा लागला. भारतीय सलामीवीर गिलने डावाच्या 15 व्या षटकात हेडन वॉल्शच्या चेंडूवर लाँग षटकार ठोकला. गिलने षटकार मारल्यानंतर चेंडूचा मागमूसही नव्हता. यानंतर अम्पायरला अखेर दुसरा चेंडू मागवाला लागला.
पावसामुळे खेळ थांबला
पावसामुळे काही वेळ खेळ थांबवावा लागला आहे. भारताने 24 षटकात 1 गडी बाद 115 धावा केल्या होत्या. शुभमन गिल 51 आणि श्रेयस अय्यर (Shreyas Iyer) दोन धावांवर नाबाद आहेत. कर्णधार शिखर धवनने (Shikhar Dhawan) 58 धावांची खेळी केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
